祝各位生日快樂！

        今日係年初七人日，即係個個今日都生日呀！所以我喺度祝大家生日快樂！！

        以前每逢人日，屋企都有個習慣，會煲粥食 o架，唔知你哋興唔興呢？所以我今晚都煲咗麥米紅豆粥做晚餐，另外再加埋前幾日整好嘅瑤柱蘿蔔糕同椰香黃金糕，簡簡單單就攪掂咗夜晚果餐啦！

 

蘿蔔糕稍為實咗啲，下次煮粉漿時可以再稀少少。味道幾好，加埋
自家製 XO 醬，好味呀！

 

至於個椰香黃金糕，就唔係好得啦，始終做唔到好密嘅蜂巢狀！不過
味道都 OK 喎，好香濃椰汁味，煎過後外面香口，裡面軟熟。
好彩減咗糖咋，依家甜度啱啱好。