送禮 XO 醬

         眨吓眼，葉太返咗嚟香港都差唔多兩個月喇，星期四就會飛返加拿大，所以今日專登約佢出嚟飲下午茶，同佢拜年之餘，順便同佢餞行，當然會帶埋伴手禮啦，就係之前同 Louisa 及 Winnie 一齊整嘅 XO 醬。

個樽本身都好精緻、好靚，加上一條絲帶，綁個蝴蝶結已經好大體。

   
        

講起上嚟，我都要喺度再次多謝老友 Louisa，因為原本諗住反正大家都有興趣整 XO 醬，咁就初三果日一齊整啦，點知佢又唔駛我出料，又唔肯收番我錢，知道我要嚟送禮，仲割愛俾個咁靚嘅玻璃樽我 o添，真係幾百個唔好意思呀！ 好啦，等閒要整番多啲嘢食俾佢先得喇！今日就請佢食新鮮即製嘅蜜糖豆渣曲奇先啦！