初九果日因為要整 crème brûlée，所以要預早整定好豆漿代替牛奶嚟用，整完豆漿就當然會有豆渣啦，咁又係時候要幫佢哋搵出路喇，今次就揀咗個和菓子食譜，無論係材料定做法到非常簡單，有留起豆渣嘅朋友，快啲跟住整啦，好好食 o架！
材料：
豆渣 100 克
蜜糖 40 克
以上材料份量可做曲奇 8 塊。
食譜係嚟自櫻井景子嘅《和菓子‧和甘味 — 秋冬篇》。
- 將豆渣同蜜糖拌勻。
- 舀起 1 湯匙蜜糖豆渣，用手捏成小餅糰。
- 將餅糰逐一放上已墊防黏焗爐紙嘅烤盤上。
- 放入已預熱至 180 °C 嘅焗爐焗約 25 - 30 分鐘就攪掂。
前後加埋 45 分鐘都唔駛就有得食，係咪真係簡單易做呢！而且
又無落任何油脂，加上黃豆含豐富營養，係一個既健康又
好食嘅曲奇呀！
Notes：
- 整完豆漿之後嘅豆渣，要煮熟處理過先用得，請 click "豆渣處理及保存方法" 睇吓點
樣處理啦！
- 曲奇焗好之後，留喺烤盤上攤凍一陣先至移到放涼架上，因為啱啱焗好嘅曲奇比較
軟身。
P.S. 除咗呢個曲奇，我都整咗好幾樣用豆渣做食材嘅食品，你哋都可以參考吓，咁啲豆渣就唔駛浪費啦：
沒有留言:
發佈留言