噚日約埋明仔、Winnie 一齊上去 Louisa 度開 party，原本 Li Kien 都話去 o架，點知最終又係放飛機甩底！
今次我哋都帶咗好多禮物上去，睇見都好似聖誕重臨咁款！
話咁快，Louisa 就已經將所有禮物拆哂喇！
認得嘛，呢份咪係我 o架囉！
明仔買嘅香薰座。
Winnie 買嘅 cake stand，一物三用 o架！
呢個咁靚嘅禮盒係 Winnie 送俾 Louisa 嘅什錦曲奇，我之前幫 Winnie 整
嘅送禮曲奇咪就係呢盒囉！經佢包裝後即刻變得好有睇頭。
食完 lunch 之後就開工整餅喇，首先就係整竹炭黑芝麻瑞士卷。
睇吓個成品幾靚，仲好好味 o添！
跟住就到我、Winnie 同明仔三個整咖啡瑞士卷。整好之後，我哋
三條友仔都唔夠膽捲，驚捲爛嘛，所以最後都係由大師出馬！
你睇，一樣咁靚 o架，咖啡味仲好香濃 o添！
Ladies & gentlemen, it's the dinner time!
煙肉煮青口。
我整嘅芥末火腿麥穗包。
煎鴨肝法包伴沙律菜。
Louisa 專登喺北海盜買返嚟嘅長腳蟹。
白汁煙肉長通粉。
呢個飯後甜品就精彩囉，係明仔整嘅焦糖燉蛋朱古力慕斯蛋糕。
個蛋糕真係正到無朋友呀！啲朱古力香濃到呢 ………… 
明仔真係好心機，淨係個古古力波波都整咗成粒鐘呀！
大家盡興之後，就要冒住嚴寒歸家喇！
個餅有少少毀容,你應該將面頭pat焦糖打格仔嘛.......XDD
回覆刪除估唔到個咖啡同竹炭卷蛋咁好味,而家有recipe我會買竹炭粉自己卷下先!!
你個包好味呀,如果點d欖油仲正!如果可以準備到Ravel果首4 hands彈埋就真係極之充實既一日!
[版主回覆01/05/2011 17:40:00] 如果你唔講，鬼知道果蛋糕毀容咩，你自暴其短呀！ 整好個瑞士卷就記得影相 嚟睇睇呀！ 多謝你咁欣賞我個包包呀，好開心呢！ 下次記得帶埋 Ravel 個譜喇！
好正呀.. 你地高手過招?
回覆刪除[版主回覆01/05/2011 17:36:00] 嘩，唔好咁講，如果我係高手的話就唔會唔敢捲個瑞士卷啦！
個竹炭黑芝麻瑞士卷好正呀！ 比個譜譜嚟試吓吖！ 我超鐘意 黑芝麻架！你就正喇.....有咁多好嘢食。
回覆刪除[版主回覆01/05/2011 17:34:00] 我 check 吓 Louisa 有冇 send 個 recipe 俾我先，如果無的話，要叫佢 send 俾妳喇！
下次你就得la..
回覆刪除[版主回覆01/05/2011 17:49:00] 咁我都會自己實習 吓 嘅 ，承妳貴言！
食物同埋禮物都好靚~ 超開心o既聖誕節.
回覆刪除[版主回覆01/05/2011 23:42:00] 係呀，好開心呀！不過唔係聖誕，係新年至 啱 呀！
之前黑炭都好吸引我..但最近睇左篇報導話黑炭野千祈唔好食..會引起肺塵....超恐怖囉...都係用黑芝麻好過啦....
回覆刪除[版主回覆01/08/2011 22:55:00] 唔係話，咁驚！！ 不過我都唔會用囉，因為根本得個色，完全無味道，慳番 啲錢好過！
Wow, lovely gathering! So many gifts and so much good food!
回覆刪除[版主回覆01/09/2011 22:32:00] Yeah, it's really happy & enjoyable!!
留口水！！！！！！！！！！！！
回覆刪除[版主回覆01/16/2011 00:21:00] 留口水呢，哈哈！ 上次都叫你 join 埋我 哋一齊玩啦！ 係呀，今日我老豆同我講，佢話佢個 friend 喺林村農場養果隻狗都俾人毒死 咗呀！佢話平時隻狗好乖、好聽話，見到佢就會撲埋去歡迎佢 o架啦！佢仲話農場附近都已經有幾隻狗同樣被毒死，話係 啲人原本想放藥毒死 啲野豬喎！ 真係好可憐呀！