永安百貨酬賓日

        每年年尾，各大百貨公司都會有做大減價，「JUSCO」會員日例牌會洗幾百蚊，趁平入定啲成日用嘅醬油、調味料、味噌、咖喱磚之類嘅嘢。到咗「永安百貨」酬賓日時，又再洗多幾百蚊，因為大部份我要買嘅都會做九折甚至八折，所以例必會買濾水芯及洗面膏，折完之後真係平過出面好多 o架！

        今年有意外收獲，就係喺餐具部執到平嘢，皆因呢個 counter 全部做七折。

 

其實酬賓日已經係上月月中嘅事，點解等到咁遲先 post 出嚟，
之唔係為咗呢份送俾 Louisa 嘅入伙禮物囉！如果一早
post 咗出嚟，咁佢咪無 surprise 囉！

 

我睇中佢每隻碗同碟都印有新鮮香草圖案，而且個梅花形狀又好特別。
其實每隻碗都配有匙羹 o架，不過每隻都用發泡膠紙包得好好，
費事全部折開啦，拆一隻出嚟影相就算喇！

 

呢幾隻玻璃碗都好抵呀，玻璃好通透，意大利貨嚟 o架，折咗之後
都係 $10.5 一隻咋，「JUSCO $10 店」都搵唔到呢啲
貨色啦！我之前一早已經俾咗兩隻 Louisa。

 

呢隻玻璃碟仲抵，日本貨兼入得焗爐，原價好似係 $5X，折咗之後
係 $44，我去買果日咁啱又再有額外九折，咁就變咗 $40 咋！
細細隻，要嚟做批模最啱。