又係時候同大家分享一吓屋企啲年花喇！之所以咁遲先 post 出嚟，係因為要等佢哋開花囉！
雖然呢幾個月老豆因為身體問題，無去到農場幫手，
但佢嘅農場 friend 都有叫同事車咗兩盆花俾我哋。
呢盆蘭花好靚，有紫、白、黃三隻品種。
紫色品種紋理最靚。
黃色花瓣加紫色紋，色彩鮮豔。
白色花瓣中，點綴了紫色花紋，有種清雅高貴嘅氣質。
除咗蘭花，仲有呢束桃紅色嘅百合。
老豆話農場種嘅百合係荷蘭入口，所以特別貴，
盛惠每枝 $100，呢度值 $400 o架喇！
呢隻桃紅色嘅百合好夾過年插，好有氣氛呀！
呢朵白瓣紅紋嘅百合反而較為突出。
趁花蕊未剪影番張相先！
Winnie 送嘅水仙卒之都開花喇！ 我都送番兩枝百合俾佢做回禮。
每朵花都好可愛。
行近盆水仙就即刻聞到淡淡清香，好舒服。
聞到水仙花香就即刻諗起水仙茶！
最鍾意呢張大特寫，好清晰、好靚！
D花好靚呀！
回覆刪除我屋企盆水仙都係呢幾日先開晒花，好彩都趕得切人日！
[版主回覆02/13/2011 01:30:00] 多謝妳咁欣賞呢！ 係啦，早排真係凍到花都唔開呀！
好靚既花...影得都靚...百合同水仙我鐘意....但蘭花麻麻...
回覆刪除[版主回覆02/13/2011 01:29:00] 我都知妳鍾意水仙 o架喇，睇妳個 blog 就知啦！但我自己又幾鍾意蘭花喎！
駛唔駛靚成咁呀.......暈喇！
回覆刪除[版主回覆02/13/2011 01:28:00] 啲花靚到暈呀，咁妳見到我個樣咪會休克！？
好多靚花呀. 好喜歡水仙, 有淡淡的幽香.
回覆刪除[版主回覆02/13/2011 01:25:00] 我都比較鍾意水仙花果種淡淡清香。
我鍾意百合, 好香又靚
回覆刪除[版主回覆02/13/2011 01:25:00] 係呀，又香、又靚、又大、又鮮豔！
嘩! 全部都好靚呀! 新春愉快, 萬事如意!
回覆刪除[版主回覆02/13/2011 01:24:00] 多謝妳呀，風鈴！ 我都祝妳身體健康，心想事成！