恭賀新禧！

        今日係新正頭大年初一，我喺度祝各位 blogger 龍馬精神、一本萬利、心想事成！

恭賀新禧，新年快樂呀！

 

每年農曆年，遠在加拿大嘅葉太都一定會寄個賀年卡俾我哋，
真係有心！

 

        每年年初一都秉承住媽咪嘅指定動作：咪就係煮南乳炆齋囉！不過今次有啲特別，加咗 Louisa 喺意大利帶返嚟嘅勁香牛肝菌，不過唔知係因為炆得太耐定係南乳味太濃，食唔到牛肝菌嘅香味。

 

        年初一必定會去伯伯、伯娘屋企拜年兼食晚飯，當中除咗我之外，表嫂 Polly 都會食齋，所以佢同表姐 Flora 呢幾年都有親手整少少素菜小食，咁我都唔可以次次都齋食唔整嘢 o架！今年就整番個齋鴨腎同佢哋一齊分享。

 

        好喇，趕住出去拜年喇，遲啲再見！恭喜發財！！