清貨版西米布甸

        呢個飯後甜品真係超快手做起，皆因只係用之前整冰皮月餅時用剩嘅奶皇餡嚟做，只需加少適量水落奶皇餡度，攪拌均勻後，用慢火煮開，再拌入已預先煮好嘅西米，兜勻後即可勺入焗盅內，放入焗爐焗到表面金黃就攪掂喇！

味道同一般西米布甸無異。之可以咁快手就有布甸食，真係要多謝
Winnie 幫我煮呢個無牛油、無奶嘅奶皇餡呀！

 

唔知點解焗極都唔係好上色呢？已經係用 200 °C grill 焗成廿幾分鐘 o架喇！
原本諗住放棄，用火槍燒吓佢算數，點知醒起枝火槍借咗俾
Winnie，所以都係無得用！

        如果無用剩嘅奶皇餡，咁咪整唔到呢個西米布甸？唔駛驚，快啲 click 入《焗紅豆西米布甸》，睇吓個原裝食譜材料同做法啦！