今日喺街市度見到有栗子賣，即刻諗起整栗子炆雞，於是就走去雞檔買雞，買隻芝麻雞都只不過係 $28，真係抵食！
星期三嗰日買咗嚿豬腱同瘦肉煲雪梨，嘩，嗰兩嚿咁嘅嘢，真係貴到喊，嚿豬腱只係得手掌咁大 ( 唔計手指 )，賣 $15；嚿瘦肉就仲離譜，只係得半隻手掌咁大，賣 $11，加埋都已經成 $26 喇，汆完水之後就更加大縮水啦，真係買隻雞食好過囉！以前過時過節先會有雞食，依家，真係隨時隨地都可以食 lu！
今次呢碟栗子炆雞並唔係一般嘅整法，係混合咗無錫排骨
嗰種做法，又加紹酒，又加八角，又加冰糖，所以
味道特別香濃，連老竇都話個味調得好好。
材料十足，除咗雞同栗子之外，仲有冬菇同乾蔥頭，香濃惹味。
今次醒目喇，留起部份乾蔥頭，煮到一半時先落，
咁就唔會因為炆得太耐而全部溶哂啦！
參考食譜：
落乾葱頭就幾時都咁正架喇！
回覆刪除[F回覆01/01/1970 08:00:00]F
豬腱係貴架﹐我呢邊街市一細條要賣十幾也歐(不過長過你形容果條)。 乾蔥頭我都鐘意架﹐你碟野望落真係好惹味呀~
回覆刪除[版主回覆09/19/2011 18:26:00] 咁可能我係 喺 「惠康」買又會比街市貴 啲啦！不過以前媽咪去開超市買，話有冷氣地方賣生肉應該安全 啲，咁所以依家我明知係會貴 啲都會去超市買。 碟雞真係好香蔥頭味同酒味呀！
栗子真係成年都有得賣喎....
回覆刪除[版主回覆09/19/2011 18:21:00] 係？我屋企附近個街市好似入秋後先有喎！
This looks good!
回覆刪除[版主回覆09/30/2011 00:14:00] Thank you!