2011年9月12日星期一

冰皮月餅

        各位 blog 友們,中秋節快樂呀!


        今年我同 Winnie 一齊整冰皮月餅,由於係第一次整嘅關係,所以唔係好識預材料,原本諗住整大約四十個月餅,每人分廿個,點知結果整出成八十個有多,有睇我之前幾篇 blog 的話,都應該知道仲剩咗好多餡 o添!所以基本上都係送俾人多過自己食。


        我同 Winnie 兩個都玩得幾開心,最重要係有份食過嘅親友都讚好食,第一次整,都算係咁 o架喇!



Winnie 話要影番張 "曬冷" 照!


 



首先亮相係奶皇冰皮,Winnie 煮咗兩款奶皇餡,一款係跟 T&P
嘅原裝正版,另一款係為我而整嘅無牛油無奶版。


 



呢個就係我負責煮嘅豆蓉餡加鹹蛋黃,個人非常鍾意呢個味道。


 



跟住呢個係綠茶味,綠色玫瑰係咁多個配搭之中最靚嘅。


 



Mocha 冰皮,係朱古力皮加咖啡餡。


 



最後出場嘅係淨豆蓉餡。


 



我仲專登買啲禮盒要嚟送禮 o添。


 



第一次整月餅,梗係要同媽咪一齊分享啦!



        小弟喺度祝各位一家團圓,開開心心,中秋節快樂


5 則留言:

  1. wowowowow!!! 好多靚冰皮!!!
    中秋節快樂!!!
    [版主回覆09/13/2011 00:29:00]         都係麻麻 哋 咋,你整 嗰 啲廣式月餅靚好多!         中秋節快樂!

    回覆刪除
  2. 唔蒸皮...你用糕粉呀?咁係咪好似香蕉糕咁咁味呢!
    [版主回覆09/14/2011 00:43:00]        係呀,用糕粉,加椰醬同糖,撈埋就攪掂!         似唔似香蕉糕?  好似唔多似喎,無香蕉糕咁軟身,都爽口 o架!

    回覆刪除
  3. 曬冷相都唔夠80幾個喎..打左斧頭呀... 第一次整相當正斗添啦..出年可以擺檔了...
    [版主回覆09/14/2011 00:41:00]        夠數 o架,妳再數真 啲, 啱 啱好八十個呀,我唔敢打斧頭 o架!         嘩,妳 氹我開心 啫!不過真係個個都讚好食過街買。

    回覆刪除
  4.   好正!!!!味道都是大眾喜歡的!
    [版主回覆09/14/2011 00:37:00]         第一次整,整 啲大路 啲 嘅味道比較 穩陣。

    回覆刪除
  5. 大製作, 我最鍾意入盒!!!
    [版主回覆09/14/2011 20:39:00]        都唔算大製作 嘅 ,都未夠 100 個!         " 我最鍾意入盒 "         係咩意思?妳意思係入禮盒?

    回覆刪除