2013年10月2日星期三

Yahoo Blog 搬家又多一個選擇呀!

        雖然已經有好多 blog 友成功搬家,仲有同大家分享搬 blog 步驟,但係對於我呢個唔太熟悉網頁運作嘅白癡,睇完都唔知做乜,連備份好哂個 folder 都唔知應該點樣 copy 過去 Google 度!

       Yahoo Blog 依家有多一個搬家合作平台可供選擇,叫做 WeShare,話只需按下一個按扭就可以完完整整咁搬過去,連相片及 blog 友回應 (包括私人留言) 都可以一次過搬哂過去,聽落又好似好啱我呢個白癡喎!不過始終都係新嘢,自己對寫網頁又一竅不通,都係睇定少少好啲!



俾條 link 大家去睇啦:
http://download.blog.yahoo.com/migrate

又或者可以到 WeShare Facebook 專頁度睇睇:
https://www.facebook.com/weshare

        如果大家可以成功搬家到  WeShare 的話,希望你哋可以同小弟分享一下,俾多少少資訊我參考 都好,等我唔使好似隻盲頭烏蠅咁周圍亂撞!!

24 則留言:

  1. 只要按搬家就可以搬過去了?要唔要BECKUP先?THX~

    回覆刪除
    回覆
    1. 我都未知呀,所以咪話俾大家聽,等你哋v專業人仕試過再教番我囉,哇哈哈哈!!

      但係佢介紹時就無話到要先 backup 囉,輕鬆搬家嘛!

      刪除
  2. 我比你更白痴, 起碼你都成功架設了, 還有很多文章巳搬入"文章分類". 我到而家都只係set up左個blogspot戶口方便同舊網友聯絡. 我有睇過weshare, 都幾多人搬左過去. 雖然佢咁新,但睇落版面都唔錯丫, 我覺得好過blogspot添. 我仲諗緊搬去weshare好定"隨意窩"好. 我朋友搬左去"隨意窩", 佢話好好用呀.

    回覆刪除
    回覆
    1. 咁可能係妳未有時間去摸熟啫!

      真係唔錯嗎?我都考慮緊呀,因為我真係睇唔明點樣搬過嚟囉,覺得好複雜。

      但 "隨意窩" 好似要俾錢喎!

      刪除
    2. "隨意窩" 係過左2G先至要俾錢. 我果位朋友佢有1500篇文章, 佢都話有排都未去到2G, 咁我先得果200篇文章, 更加有排都未駛俾錢啦, 唔知我咁諗啱唔啱.
      好多人都係話weshare就咁撳幾個制就得, 應該會慳番好多腦汁.

      刪除
    3. 吓,得咁少!?可能妳哋無乜相片啦,我淨係計備份壓縮檔都已經 1.38G 喇,解壓縮後肯定過 2G 啦!!

      就係見佢話咁簡單先會起心咋嘛!

      刪除
  3. 越來越多新樓盤喎< ( ̄︶ ̄)>

    回覆刪除
  4. 你打算搬去 WeShare 果度呀?

    回覆刪除
    回覆
    1. 係呀,因為我真係唔識搬過嚟呢邊,淨係頭嗰幾個步驟都唔識整喇!而且時間係過得好快,眨吓眼好快就年底㗎喇!到時如果仲未搬的話,舊 blog 心血就會一下子化為烏有㗎喇!所以起碼俾到個地方我儲存舊 blog 先呀!!之後就可以兩邊同時 update,萬一是但一邊有事故的話,就可以喺另一邊繼續兼唔使怕無哂之前舊 blog 嘛!其實我之前已經開始同步有寫 Facebook 專頁,但因為起步遲同嗰邊支援唔夠完善,所以都要喺呢邊暫時開始先囉!

      刪除
    2. 原來係咁 , 咁我係咪應該好似你所講, 起碼俾到個地方我儲存舊 blog 先 , 咁果邊手續如何呢?

      刪除
    3. 我依家已經做好備份喇,仲 download 埋落部電腦度,起碼唔會渣都無先,之後再匯入呢度或者其他 blog,等佢可以重見天日囉!

      Blog 友 A Moon 啱啱出咗新 post,圖文並茂 step by step 咁教大家點樣搬過嚟呢邊,妳去參考一下,幫到妳呀!

      刪除
    4. ok ....我得閒去睇睇先 , 唔該你!

      刪除
    5. 跟住 A moon 的步驟去做,真係好易明白,妳睇,我成功喇!

      刪除
  5. 我也在WeShare開了帳號,不過仲未很清楚如何整個blog搬,他目前的設定跟畫面都較簡陋。

    回覆刪除
    回覆
    1. 嗯,係呀,咁嗰邊好用定呢邊好用呀?邊度支援功能多啲呢?

      乜唔係喺 Yahoo Blog 度按 "輕鬆搬家" 就已經攪掂嗎?

      刪除
  6. 回覆
    1. BK,妳知嗎,我初睇到妳呢句話時,以為妳意思係 "咁多 [新地] 盤?",再諗真啲先知道妳應該係想講話 "咁多新 [地盤]?" 可能我睇得財經新聞節目太多喇,哇咔咔咔咔 ………

      刪除
  7. 我之前都開咗, 試用完都係覺得好危險, 好簡陋... 希望遲D會整好D....

    回覆刪除
    回覆
    1. 嘩,妳用好 "危險" 同 "簡陋" 去形容呀,咁我都要好好考慮清楚喎!相對於我,妳對網頁都有好多認識,妳嘅 comment 確實值得參考!

      刪除
  8. 回覆
    1. 其實我最重要係想搵到個地方可以俾我好容易咁將舊 blog 文章同相片安置好呀!

      刪除
  9. Are you open a new blog with WeShare yet?

    回覆刪除
    回覆
    1. 未呀,因為班太話佢比較危險同簡陋,同埋 A Moon 啱啱出咗個新 post 教大家點樣搬過呢邊,step by step,圖文並茂,我估我應該 follow 到點做啩,所以未有理佢呀!妳有興趣嗎?

      刪除