再做甘筍蛋糕

        早幾日整海鮮粉絲沙律時要用到好多紅蘿蔔絲，反正都開機刨絲，順手刨多少少留番嚟整甘筍蛋糕。

 

 

因為我自己都幾喜歡肉桂同薑粉嘅味道，

所以對呢個甘筍蛋糕情有獨鍾。

 

今次用圓模嚟焗，焗得好靚，又高身又金黃。

 

上次整嘅甘筍蛋糕係用比較軟身嘅豆腐打發忌廉

(軟性打發) 鋪面，今次就用個挺身嘅乾性

打發豆腐忌廉去抹上整個蛋糕。

 

其實呢個硬性打發豆腐忌廉都真係幾好用，唔單至

可以塗抹蛋糕，試過連唧花都做到，不過今日

個人太攰喇，無乜心機成個蛋糕玩唧花，

試玩完之後就用抹刀抹番平算數！！

 

 

 

 

 

 

        有興趣嘗試的話，可以睇番《美式甘筍蛋糕》同《豆腐打發忌廉 (硬性打發)》。