2015年1月18日星期日

黃豆粉紅豆鬆餅 Kinako & Azuki Muffin

        年年入冬都係嗰句:天氣凍有乜好,人都懶啲!今年都仲未講過,但依兩個禮拜呢句說話就大派用場喇,真係懶到唔多願郁,朝早瞓醒之後都唔願落床,攪到一日都無得幾多時間用,就連 blog 都好耐無 update 到,積積埋埋有好多篇都未寫,要加把勁慢慢追番哂至得囉!
 
        先同大家分享今日新鮮熱辣出爐嘅 muffin 先啦!早幾日發覺包日式黃豆粉又過咗期,根據上次經驗,可以變到好濃油膉味,趁佢只係剛剛過咗期個零兩個月,而且味道又完全無變時要快手用埋佢。今早起身之後就煮好日式紅豆餡,加埋黃豆粉一齊整個和風 muffin 啦!
 
 

材料:
低筋麵粉          230
日式黃豆粉
      20
泡打粉             2 茶匙

                    少許
                    80
雞蛋                 2

橄欖油             80
乳酪
                100
紅豆餡            150


- 粉類過篩 2 次;將所有乾料放入兜內混合好;全部濕料攪拌均勻。

- 將濕料倒入乾料內,用膠刮快手攪拌均勻。

- 將麵糊勺入模內,放入已預熱至 200 ℃ 嘅焗爐內,焗約 20 分鐘即成。

以上材料份量可做鬆餅 10 個。
 
 
        記得之前睇電視節目講過,紅豆越大粒越難煮得腍,但唔知點解依家好似周圍都無細粒紅豆賣。我前一晚將紅豆洗淨後用清水浸過夜,之後水滾後落煲煲半粒鐘後熄火,原煲焗至完全涼透後就將紅豆隔清水份,放入冰格雪硬,將紅豆水煲番滾之後,整嚿紅豆冰毋須解凍,直接倒入水內煮,煮得幾分鐘之後就已經煮到爛哂喇!
 
 




咗黃豆粉落去之後,味道特別香濃,
跟用花生粉效果差唔多。
 
 
 
 
Notes
- 紅豆餡製作方法,請參閱《日式紅豆餡》。

- 若果無黃豆粉的話,可用全低筋麵粉製作。

- 記得麵糊切忌過度攪拌,避免產生筋性,成品口感變得紮實。



6 則留言:

  1. 回覆
    1. 都唔係哦,一包得好少咋,好似得 100 克,咁之前都有用開呢!

      刪除
  2. 哈哈..........天氣凍唔想郁,天氣熱一郁又成身汗,真係煩

    回覆刪除
    回覆
    1. 咁呢樣又真呀,冬又怕熱又怕,呵呵! ^^

      刪除
  3. 我都係成日買埋D食材,又成日懶整,過咗期都唔知咖,浪費哂>0<

    回覆刪除
    回覆
    1. 哈哈,原來好多人都係咁!其實有好多食材過咗期都仲用得,除非係油份重同易壞嘅食材啦,否則都可以用多一段時間。

      刪除