2015年6月14日星期日

中東口袋包 Pita Bread

        呢個 pita 其實之前都已經整過一次,嗰次係跟型仔廚師個 recipe 去整,用平底鑊烘烤,但可惜徹底失敗,無一個可以中空膨脹呢!!
 
        正所謂失敗乃成功之母,從錯誤中學習,如果唔係上次咁失敗的話,我都唔會咁有心機上網搵資料,睇吓自己錯喺邊度,所以上次嘅失敗都並非壞事!睇咗喺網上搜尋到成功製作要點之後,再改試用 blog Allie 嘅食譜,今次終於成功喇,無論係入爐焗定係用平底鑊烘烤都能夠膨脹中空。
 
 

 
材料:
高筋麵粉      150
低筋麵粉      30
玉米粉         20
即用酵母      2
                 5
                 2.5
水                  120 毫升


- 粉類、酵母、鹽同糖混合,逐少加水搓至起筋,之後繼續搓成麵糰。

- 將麵糰滾圓,放入已灑粉嘅兜內,用保鮮紙封好,發酵約 45 分鐘至兩倍大。

- 麵糰平均分割成 5 份,分別滾圓,然後用擀麵棍擀薄成麵皮。

- 將麵皮放上入爐防黏蓆上,靜置鬆弛 20 分鐘。

- 與此同時,烤盤放入爐內一齊預熱至 250

- 麵皮連同入爐防黏蓆一齊放上烤盤,焗約 5 分鐘至麵皮膨脹中空即成。

以上材料份量可做直徑約 5 吋半麵包 5 個。
 
食譜出自 Allie 口袋麵包


對我嚟講,要將個麵糰擀薄完之後都仍然
保持到咁圓都真係一件艱難事呢!!






五個麵皮之中,兩個入爐焗,三個放鑊烘,頭兩個都仲係
失敗,原本都打定輸數放鑊烘嘅全軍覆沒,點知到
最後一個竟然脹起嚟,可能之前隻鑊始終
都仲係未夠熱,烘到第三個時
至有足夠高溫令麵皮膨脹。






至於用爐焗嗰兩個哩,入爐無幾耐就已經即刻脹起,
由於無經驗,表面焗得過硬,出爐之後
保持原形,無疏氣變番平呢!






五件製成品,我自己覺得發唔起嗰兩件反而係最靚仔哦!






放入嘅餡料其實都係之前整蕎麥雜菜沙律
用剩嘅,塞哂入個包內再
千島醬就食得喇!
 
 
 
 
Notes
-
麵皮一定要擀得夠薄,烘焗溫度亦需要相對較高,目的係令到麵皮表面於最短時間內
  焗至乾身變硬,麵皮內嘅水氣及空氣未能透過表面蒸發,唯有將麵皮撐開,因而提高
  膨脹中空嘅成功率。

- 若果用平底鑊烘烤的話,須用中火燒熱平底鑊數分鐘,確保溫度能夠瞬間將麵皮烘至
  乾身,當麵皮放入鑊內時就要轉用中慢火,避免烘燶,每隔 1 - 2 分鐘就反轉一次,直
  至麵皮膨脹中空為止。

- 玉米粉即磨碎嘅粟米粉,所以顏色係黃色,並非一般煮餸用嘅白色粟粉,詳情可參閱
 《粟米麵包》。


8 則留言:

  1. 回覆
    1. 呢次有幾個掂已經好滿足喇!

      呢個妳嫌易,無難度,所以唔自己整哩!

      刪除
  2. 恭喜你!Blogger黃師奶都話最緊要個爐夠熱,就可以中空呢~我下次又再試~~

    回覆刪除
    回覆
    1. 係呀,一定要將表面瞬間焗乾先成功,妳可以試試 240 - 250 ℃ 高溫焗呀!

      刪除
    2. 唔好客氣啦艾華斯,預祝妳成功呀!

      刪除
  3. 回覆
    1. 呢個易整呀小月,又唔使等第二次發酵。

      刪除