蝦乾冬菇蒸肉餅

材料：
免治豬肉(水腱及枚頭)
蝦乾
冬菇

醃料：
鹽
糖
生抽
粟粉
油

        冬菇浸軟、洗淨、切粒；蝦乾先用水洗淨，再用熱水浸軟，浸過蝦乾嘅水記得唔好倒咗去，可以留番嚟醃肉；豬肉用醃料醃好。將所有材料撈勻，就可以拎去蒸，不過點解會有咁多水走出嚟呢，唔知係熟過頭出哂啲肉汁，定係倒汗水太多呢？

        本來我係諗住整梅菜蒸豬肉嘅，但係當我打開雪櫃先發覺原來啲梅菜已經用哂，又唔記得買番啲喺屋企，咁咪唯有改用冬菇蝦乾囉，仲惹味啲 o添啦！雖然呢個係一個好普通嘅家常菜，但係要煮得好食都唔易呀！火侯唔夠啲豬肉會唔熟；蒸得太耐啲豬肉又實又嚡，所以蒸嘅時間要掌握得好好。

P.S. 我之所以用兩種唔同嘅豬肉，係因為如果淨用水腱會比較嚡，但只用枚頭又怕太膩，所以選擇兩溝。