春天來了！

        見到老豆呢盆植物就知道春天已經到咗喇！

雖然我唔係好知呢盆係乜，但係見到正中間新長出嚟嘅嫩枝，
真係好吸引我！

 

喺背後嘅深綠色枝葉影襯下，新枝特別嫩綠，好清新、好有朝氣！

 

其實喺早幾個禮拜前，新枝比呢棵嫩芽更細，估唔到
幾個禮拜後就長高咗咁多，仲有咁多嫩葉 o添！

 

早排喺 T&P 個 blog 度見到佢將九層塔嘅折枝放喺水度，浸到出根先至
拎去放落泥度種，於是我上次煮泰式紅咖喱海鮮時就留起咗兩棵
九層塔浸水。另外左邊個棵係老豆朋友俾佢嘅鼠尾草。

 

估唔到話咁快，浸咗無幾耐就已經浸到出根，仲好旺盛 o添！
睇嚟遲多幾日就要放入泥度種喇，希望可以種得到啦！