一直都以為仙姐本《天然麵包香》會 "打落冷宮"，永遠都 "不見天日"，皆因差唔多一年之前已經試做過一次，不過勁失敗囉！因為個麵糰實在太濕，而我一向都係用 food processor 嚟搓麵糰，有經驗人仕睇到呢度，相信都知道發生咩事啦，咪就係啲麵糰捲哂入部機度囉！嘩，果鑊真係好甘，攪咗幾耐先可以清得哂啲麵糰出嚟呀，查實到依家都仲有啲乾哂嘅麵糰喺部機度 o架，不過無法啦，唔通走去拆開部機嚟清理咩，整壞點算呀！
直到幾日前，無意中喺 blog 友何瑪姬度見到佢嘅分享，原來佢係用手搓 17 小時包包，我當然要請教一吓佢，問吓佢有咩心得，佢話其實無乜心得可言，主要都係跟仙姐嘅提示去整，之後佢就俾咗條 link 我，原來仙姐好耐之前曾經 post 過一篇叫做《17小時包包用料一覽》，裡面有提及到一樣好重要嘅訊息，就係如果用手搓包的話，記得要將水嘅份量減至 55 - 60%，咁即係話，我都可以做到啦！知道呢個消息真係勁開心，因為我一直都好想整 17 小時包包 o架！於是噚日就預備定個中種，今日就開工整個最簡單、最基礎嘅白麵包多士，不過當中有幾樣材料我都更改咗。
坦白講，整 17 小時麵包的高手大有人在，根本唔輪我呢個生手喺度分享心得，不過我希望同大家分享一下點樣用 food processor 嚟整呢種麵包，希望同我一樣無 KA 或 KM 嘅朋友都可以同我一樣做到 17 小時麵包，因為呢隻包包實在值得學習，無論包質定係保存期都係勝人一籌。
中種麵糰
材料：
高筋麵粉 240 克
即用酵母 3 克
水 142 克
海鹽 3.5 克
- 將所有材料混合，然後搓成麵糰。
- 將麵糰放入大碗內，用保鮮紙包好，放入雪櫃內作 17 小時低溫發酵。
- 將發酵好嘅麵糰剪成細塊備用。
主麵糰
材料：
高筋麵粉 103 克
即用酵母 0.5 克
海鹽 3.5 克
糖 34 克
水 32 克
橄欖油 20 克
- 除水及橄欖油外，將主麵糰其餘材料放入食物處理器內攪拌，邊攪拌邊放入中種
麵糰細塊，攪打成麵包糠狀。
- 當所有中種麵糰細塊都加入後，就可以加水搓成麵糰。
- 將麵糰攤開，倒入橄欖油。
- 開機繼續搓至有彈性麵糰。
- 拎出麵糰，放喺已灑粉嘅枱面上繼續搓揉、摔打成光滑麵糰。
- 將麵糰放入已灑粉嘅兜內，冚好保鮮紙，發酵 30 分鐘。
- 拎出麵糰，排氣，平均分割成 3 份後捲成條狀，鬆弛 20 分鐘。
- 麵糰再次排氣，用已灑粉嘅擀麵棍擀薄成長條形，之後兩邊向內摺入。
- 再次擀薄麵糰，其闊度應與吐司模闊度相若，然後捲起，捏緊收口。
- 將捲起麵糰放入吐司模內，包好保鮮紙作最後發酵，時間為 45 - 60 分鐘。
- 當麵糰發酵至八成滿後，將吐司模放入已預熱至 180 °C 嘅焗爐內焗約 30 分
鐘。
- 出爐後將麵糰放上架上攤凍即可。
以上材料份量可做 450 克多士模嘅多士一條。
食譜參考自獨角仙@藍色大門嘅《天然麵包香》。
第一次整到包質咁鬆軟嘅麵包，好開心呀！
即刻整番塊花生醬多士歎吓先！
今次成功整到 17 小時包包，真係要多謝 blog 友何瑪姬至得呀！ Notes： - 總用水量為原食譜嘅 73.5%。 - 新鮮酵母與即用酵母用量之間的轉換方法，請參考《不同種類酵母用量之調整》。 - 天氣涼嘅時候，可將麵糰放入電飯煲內發酵，只需按下保溫掣直至適合暖度即可 - 至於麵糰入模後發酵，可先將一碟熱水放入焗爐內，再喺碟上放上放涼架，再將 你哋亦都可以喺 Facebook Fans Page 度搵我 o架，我間小店叫做 La Cucina di Kestrel 呀，快啲 click 入去做我個 fans 啦！
- 原食譜材料係用牛油、新鮮酵母及奶粉。
，我用開個電飯煲只需保溫半分鐘即可達至適合溫度，而且因為電飯煲係密封，
所以即使唔包保鮮紙，麵糰都唔會風乾，好方便。
焗模放喺架上，閂好爐門就可以發酵；如果個焗爐有發酵功能的話，就將焗爐校
至 40 °C，維持 10 分鐘即可。但記得如果水變凍後要換過一碟熱水至得。
我學嚟學去都唔得
回覆刪除[版主回覆04/04/2011 00:33:00] 點解 o架，係咪因為多水太濕呀？
做得好靚~~好軟綿哩~
回覆刪除[版主回覆04/04/2011 00:36:00] 多謝妳呀！麵包真係好軟熟呢！
Hi Kestrel,
回覆刪除Thanks for ur sharing & I've used the food processer to make the 17 hr bread for a long time ago. The same situation as u that the dough was very wet & sticky that made the dough 捲哂入部機度, I'd give up for a long time. Once, I've a bread machine & used the kneading function to knead the dough but the food processer was not in use for a long time. I'm so happy that ur generous sharing for this & I will try to make use my "old partner" again. Thanks so much!
[版主回覆04/04/2011 00:49:00] gie gie, you're welcome! The purpose of writing this blog is to share my experience to the bloggers who also met the similar situation as me. I was so frustrated while the kneading of the machine failed before. So I hope all the "frustrated" bloggers will get a "hope" with me! Let start making 17-hr bread with your "old partner" as soon as possible, you must succeed this time, yeah!! I want to know how can you remove the dough inside the food processor?
勁呀...質感好軟又起哂絲...你依家捉到要領..下次就可以多多出品啦...
回覆刪除[版主回覆04/04/2011 00:38:00] 今次真係勁開心，恨整 17 小時包包好耐 o架喇！ 妳無講錯呀，試過呢次成功，跟住就會繼續跟書整唔同款式 o架喇！到時實預妳一份。
好欣賞您不用大機都可以做出美味, 美麗的包. 這特別有意義和有意思. 太好了.
回覆刪除[版主回覆04/04/2011 13:23:00] 我都好多謝妳咁欣賞我呢份心機至真呀，哈哈！ 無法啦，屋企無 KA / KM，又想整 17 小時包包，又唔想個麵糰黐手黐腳，咪想盡辦法去試做囉，點知又 OK 喎，咁咪 post 上 嚟 同一 啲 好似我咁 嘅 "有心人" 分 享一下囉！希望幫到佢 哋 "實現夢想" 嘛！
我都有食物處理器, 用呢個方法做十七小時都得喎, 個處理器都係因為捲晒d麵團落個軸度而打左落冷宮.
回覆刪除[版主回覆04/04/2011 13:42:00] 原來唔係淨係我一個咁慘，仲以為得我一個咁戇居用食物處理器 嚟整 17 小時包包。咁妳部機依家仲用唔用得呀？
麵包焗得好好，講解又詳細，好喜歡你電飯煲發酵這一招
回覆刪除[版主回覆04/04/2011 13:43:00] 其實用飯煲保溫發酵呢個方法，我都係上網見到有其他網友咁做我先跟住做咋！
用飯煲保溫發酵呢個方法 <---我都係第一次聽架，超好用喎，又學到野
回覆刪除[版主回覆04/04/2011 22:55:00] 係呀，呢個發酵方法真係幾好 o架，尤其冬天，真係好方便，妳都試 吓啦！
好靚呀!掂晒啦!
回覆刪除[版主回覆04/04/2011 22:57:00] 多謝妳咁欣賞呀！
Hi Kestrel,
回覆刪除I'm so happy for ur encouragement & I will try asap. For the cleaning of the dough from the food processer, I used a knife & 牙簽 to clean it carefully & patiently. Actually, it made me use a longer time to clean it up.
[版主回覆04/05/2011 02:31:00] Haha, me too, yeah!! I believed that I had used nearly 2 hours to clean the machine. However, I could only clean the surface of the machine & the gap around the pivot. For the dough which "went" inside the machine, I couldn't clean it. So I think there is still some dough stick inside the machine. It's really a terrible experience.
我都剛剛睇緊仙姐呢本書.. 你整得好好啊!
回覆刪除[版主回覆04/05/2011 14:54:00] 多謝妳呀！ 不過可能就係因為用少 咗水，所以老化情況都幾快，星期日整，今日食都乾同 嚡呢！ 妳都快 啲郁手整啦，好期待妳 嘅出品 呀！
掂！
回覆刪除[版主回覆04/06/2011 14:37:00] 好開心呀，妳送我咁大個 "掂"！！幾時到妳整包呀，印象中好似淨係見過妳整 pizza 咋喎！ 呢輪好忙呀，好少見妳出 post，又唔見妳過 嚟 八卦 吓！
係唔係主麵糰同中種都一齊減左水??
回覆刪除[版主回覆04/13/2011 18:19:00] 唔係呀，妳睇番我個 recipe 呀，中種果 part 係跟足仙姐個份量 o架！只係到搓主麵糰時就逐少加水，加到自己覺得足夠就停手，再 check 番總共落 咗 幾多水囉！
正! 好彩揾到你呢個 recipe, 我個包不再濕漉漉唔知點搞好~ 終於做到又軟又好味的包包. thanks!
回覆刪除[版主回覆05/09/2011 02:25:00] 咁就好喇！我之所以將個方法 post 上 嚟，都係因為唔想有人重 蹈覆轍，兼且希望無 KA / KM 嘅朋友都可以做到 17 小時包包！