整冰皮月餅個豆蓉餡，我係跟一本食譜整嘅，喺同一本食譜裡面有教整台式豆羹，都係同樣用綠豆蓉整成，咁就啱哂喇！因為係第一次整冰皮嘅關係，唔單只 Winnie 個奶皇餡做多咗，就連我負責嘅豆蓉餡都多出一倍咁滯，咁嘅情況下，梗係要幫佢哋搵出路啦！咁啱見到豆羹個食譜寫住，呢個甜品同一個出名嘅宮廷小食豌豆黃相似，咁我就更加要整啦，事關媽咪係好鍾意食呢個甜品，成日都間唔中就提起，所以我就決定咗整佢喇，因為今日係媽咪嘅生日呀！
不過，最後我都無跟到呢本食譜去整呢個豆羹，原因係佢個材料份量係以未煮熟嘅開邊綠豆計算，但係我剩低嗰啲係已經煮好嘅綠豆蓉。後來我參考咗另一本以白豆蓉為基本材料嘅和菓子食譜而整成呢個豆羹。
材料：
綠豆蓉 600 克
糖 150 - 180 克
大菜 6 克
水 200 毫升
- 煲滾水，放大菜入內煮溶，之後加入糖煮溶。
- 將豆蓉逐少加入大菜溶液內攪拌，一邊以慢火加熱，煮至濃稠。
- 將混合物倒入模內，刮平表面，然後放入雪櫃內雪至凝固後，即可切件享用。
成日都聽到 Winnie 話啲羊羹好甜、好難食，所以我已經大刀闊斧咁一次過減
50 克糖，但最後成品都仲係甜咗啲，咁你話如果跟足食譜份量
去落糖的話，我諗真係入唔到口！
除咗整呢個 "A 貨豌豆黃" 俾媽咪之外，我仲煮咗啲齋 o添！
Notes：
- 煮豆蓉時必需不斷攪拌，以免黐底。
你哋亦都可以喺 Facebook Fans Page 度搵我 o架，我間小店叫做 La Cucina di Kestrel 呀，快啲 click 入去做我個 fans 啦！
上年比個冰皮譜你....有冇用呢？你今年真係整咗冰皮呀！點解仲未見影嘅？
回覆刪除[版主回覆09/12/2011 17:58:00] 因為今次係第一次整，所以先用個免蒸方法整冰皮，下年先試蒸 嗰種方法。至於內餡就 參考 咗妳個食譜呀，加 咗澄麵整個餡果然實 淨 咗好多，好易包。 我 哋整 嘅冰皮 今晚會同大家見面喇，如果心急等唔切就去 Facebook 度睇住先啦！
回覆刪除中秋節快樂！
[版主回覆09/12/2011 18:00:00] 個叮噹模好 cute 呀！而且個紋都好出、好靚，不過隻藍色好似差咁少少喎，唔係咁似叮噹原本隻色。 中秋節快樂！
我地都懶得整冰皮喇，買黎食..............
回覆刪除中秋節快樂~!!!!!!!!!!!!!!
[版主回覆09/12/2011 18:03:00] 買當然係方便過自己整啦！不過出邊買 嘅冰皮好多都奶味好濃，我 食唔到呀，所以咪叫埋老友一齊整，玩 吓囉！ 中秋節快樂！
羊羹真係超難食呀...我都唔鐘意....呢個加大菜,佢既質感都麻麻..加魚膠片會唔會好d呢...
回覆刪除[版主回覆09/14/2011 00:57:00] 真係咁難食！？因為太甜？ 查實我覺得落唔落大菜都差唔多，之前煮餡時都已經自動成 嚿凝固 咗。大菜同 寒天唔係同一樣質地咩？ 唔加得魚膠片呀，因為魚膠唔係齋！