2012年10月19日星期五

果仁雜豆豐水梨湯

早兩個禮拜買咗個超巨型嘅豐水梨,用咗兩個嚟供佛,供完佛之後嘅水果我多數都唔會就咁食,因為擺足十五日後仲點會好食至得㗎!所以我就用咗佢嚟煲湯,再加埋其他果仁同雜豆,啱哂依家咁乾嘅天氣飲呀!

 




材料:

紅腰豆

三角豆

栗子

合桃

腰果

紅蘿蔔

豐水梨

冬菇蒂



 



- 豆類洗淨後用清水浸過夜,倒去水之後再過一次水。




-
栗子放入焗爐內用180
15
20
分鐘至爆殼,趁熱去殼去衣,然後略沖洗。




-
果仁洗淨,用抹手紙索乾水份,之後放入焗爐內,用140
焗約 15 分鐘至香味出。




-
紅蘿蔔刨皮後切件;豐水梨去皮去芯,切開四份;冬菇蒂洗淨後用清水浸至軟身。




-
所有材料凍水落煲,煲滾之後轉慢火煲至材料完全出味即可。

嘩,湯甜到呢,連老竇都話非常之清甜。
想湯水夠甜,記住一定要凍水落料呀!





比較細食嘅女仕,淨係飲湯兼食湯渣已經係一頓豐富又有益嘅晚餐喇!

5 則留言:

  1. 你自創架....咁多料一定超甜潤啦..
    [版主回覆10/21/2012 00:00:02]唓,煲湯邊有話自唔自創㗎,基本上乜都可以放埋一齊煲,除非材料係有藥性啦,咁我就唔敢亂配搭喇!
    係呀,真係甜到好似糖水咁,正!

    回覆刪除
  2. 素湯粗纖健康又有營養
    " 想湯水夠甜,記住一定要凍水落料呀!" 哦原來係咁0架 , 咁下次我要記住這樣做了 , 謝謝分享 !
    [版主回覆10/21/2012 00:02:34]係呀,因為大部份食材嘅甜味物質都係水溶性,咁所以凍水落煲咪可以將甜品溶於水囉,如果熱水先落煲的話,咁高溫就會破壞甜味物質,咁啲湯就唔夠甜囉!

    回覆刪除
  3. 豐水梨??????
    [版主回覆10/22/2012 00:18:06]香港係叫做豐水梨㗎!咁妳哋嗰邊叫乜?
    [BK回覆10/21/2012 12:02:46]有呀有呀⋯不過我都唔知叫豐水梨
    [版主回覆10/20/2012 23:58:01]妳未見過?美國嗰邊無得賣咩?
    http://big5.chinanews.com:89/gate/big5/www.js.chinanews.com/wx/special/2011/ysthj/news6.html

    回覆刪除
  4. 緊張大師-小女人2012年10月20日 上午8:47

    老友我正想今天煲乜湯時你教了我呢個,今天就食呢個啦,昨天煎了好味薄罉食, 今日會整多次比媽媽品嚐....多謝你咁美味湯水
    [版主回覆10/29/2012 23:46:42]有乜問題呀? 不過我微波爐都照用㗎喎!
    [緊張大師-小女人回覆10/29/2012 08:57:45]唔好呀,你再番熱時用蒸啦,不要直接上水,這是專家教的,所以真係有食物要番熱我全用蒸,也教媽媽用蒸的方法,不要直接放在煲上用火去滾熱呀
    [版主回覆10/29/2012 03:15:16]我唔滾湯飲㗎!
    飲剩嘅湯會成煲放入雪櫃,飲時再放番上火煲番滾。
    [緊張大師-小女人回覆10/27/2012 09:39:38]咁你一星期煲一次湯點解要滾湯,你可以烋老火湯,留作第二日你可以蒸番熱來飲咪唔寒涼,對你身體都好些喎
    [版主回覆10/26/2012 23:13:29]因為滾菜湯太寒涼喇!
    可能我街市賣的係本地菜啩,因為都幾貴!但係煲湯真係甜咩?我覺得乜味都無,好似飲滾水,得個色靚,好彩嗰次仲有落其他料,加強甜味咋!
    [緊張大師-小女人回覆10/25/2012 22:14:34]好奇怪,解釋唔到點解你會咁情況,但係菜湯真係以你咁飲.飲左都無益,但都無法可以幫你,你在我隔離就話留碗比你,你咁幸福可以有檔紅菜頭買,我今日特意再行去老闆都話無貨,要不是我再煲好甜呀
    [版主回覆10/24/2012 16:06:05]自從我媽咪走咗之後,我就唔飲得菜湯喇,一飲就痾、一飲就痾,落幾多薑都唔得!妳記唔記得我同妳講過,我好想煲妳講嗰個鹹菜涼瓜湯但唔飲得呀?
    我一個禮拜只係可以煲一次湯,所以一次煲多啲分兩餐飲,雖然隔夜湯無益,但總好過無湯水啩!
    街市最少有兩檔有紅菜頭賣,一檔係菜檔,一檔係賣類似山草藥物體。
    [緊張大師-小女人回覆10/23/2012 22:32:34]我現在日日去針炙,中醫師也替我把脉,講開明白你身體點解咁差,你不要吃隔夜湯水,特別係菜湯勁寒.....一點益也沒有,只係填包你個肚而已,若你目的只係肚飽咁就食啦別無他法,但可以唔食就食少些那看看你身體有無改善,起碼唔會成日暈.
    你咁好日日見到紅菜頭....引隔離啦,但沙田無既
    [版主回覆10/23/2012 01:51:10]我今朝都係食埋啲湯渣做早餐呀!
    [版主回覆10/23/2012 01:49:53]我屋企附近個街市日日都有得賣!
    好甜?我煲過一次,乜味都無!
    [緊張大師-小女人回覆10/22/2012 15:41:56]紅菜頭補血補鈣....仲有青花素,唔知點解我老公飲過一次就愛上我當然鐘意啦,連媽媽都愛飲咪成日煲,係~好貴,現在想貴都買唔到,搵了幾個星期都買唔到,那天給我睇到只得二個就買了,真係好甜呀
    [緊張大師-小女人回覆10/22/2012 15:39:26]係,所以湯無肉都好甜.....栗子合桃又好味......我所有豆分二餐食,唔好浪費
    [版主回覆10/22/2012 00:24:06]唔記得講,落果仁煲湯係可以俾到湯水有適量油脂之餘,仲會香濃啲㖭呀!
    [版主回覆10/22/2012 00:22:37]紅菜頭有咩咁吸引呢?我覺得無乜特別味道喎,而且好貴呢!
    嘩,一餐食咁多餸,咪有排煮!?
    [緊張大師-小女人回覆10/21/2012 10:47:31]唉~忘了落合桃添,.....本來打算煲你呢個,點知去到街市見到心愛紅頭頭,老公話要飲我又好想飲,因為買了好耐都買唔到呀一見到馬上唔放過,那就煲了紅菜頭素豆湯啦...媽媽愛到不得了,煎了鹹薄罉給媽媽試,菜心炒牛肋底,蕃茄煎鮫魚......豐富豐富
    [版主回覆10/21/2012 00:03:24]唔使多謝,咁妳煲咗嚟飲未呀?

    回覆刪除
  5. 咁多料⋯會唔會食湯渣嘅
    [緊張大師-小女人回覆10/22/2012 15:38:29]我都係,無浪費架,豆又有益又好味,唔好掉呀
    [版主回覆10/22/2012 00:16:55]多得媽咪教導有方呀!
    [BK回覆10/21/2012 12:05:26]你真係好有衣食
    [版主回覆10/20/2012 23:55:12]我由細到大都食湯渣㗎,就算係煲完湯嗰嚿又乾又硬又嚡嘅瘦肉我都照食㗎,媽咪訓練到我哋要有衣食。

    回覆刪除