2014年10月1日星期三

自家發芽菜

        相信大多數人小時候都試過用綠豆發豆芽,當時最多都只係攞幾粒嚟玩吓,當做實驗,真係完全無諗過可以真係自己發豆芽作食用,而且仲係非常容易、非常簡單,三、四日後就可以食用,都幾過癮!但最重要係可以食到乾淨、新鮮兼無添加嘅芽菜,聽聞街賣嘅芽菜為求短時間內標得夠高就推出去賣,所以會落激素加速生長!
 
       每次去嚫街市買芽菜返嚟都好怕摘芽菜根,逐條逐條咁去摘,雖然係手板眼見功夫,但真係悶到爆!依家自己發芽菜就方便好多,未將芽菜抽出前就已經可以喺個筲箕底預先將芽根剪走,又或者可以一大束芽菜摵出後,用刀一次過切走啲根,真係快手好多,可以慳番唔少時間。
 
 

- 先將綠豆洗乾淨,然後用清水浸過夜至綠色外殼爆開。

- 之後將水份倒去,將綠豆放上筲箕上,底下用大碗或兜承住,用以接水。

- 筲箕上蓋上一隻大碟,或以黑布包住,隔絕陽光。
 
- 每天沖水 3 – 4 次,天氣涼時可減少次數,要避免水份積聚令綠豆變壞。

- 重覆以上步驟 3 – 4 日,到第 4 日就唔需要再隔絕陽光,令豆芽可進行光合作用,
  製做葉綠素。

- 食之前只需略略沖洗乾淨即可。



將豆芽與陽光阻隔就會生長得非常高,但因為唔能夠進行
光合作用 (photosythesis),製造唔到葉綠素,
所以豆粒顏色變得粉紅,生長
嫩葉都比較黃






Day 1
 
綠豆開始發芽。
 




Day 2
 
豆芽根生長迅速,豆粒轉變為粉紅色。






Day 3
 
豆芽標高且開始長出嫩葉,芽根越見濃密。






Day 4
 
接觸陽光後嫩葉立即變番綠色。






咗部份芽菜嚟炒米粉。






自己發芽菜,除咗清水同綠豆外,完全無其他材料用到,
名符其實 100% 無添加,所以洗乾淨之後就可以
生食,帶少少清甜味道,做沙律一流!





 
 
呢兩個係阿博士的做法。






 
而呢個就係 Maangchi 姨大豆芽做法。
 
 
 

12 則留言:

  1. 叻, 識用筲箕種, 自家製係健康D. :)

    回覆刪除
    回覆
    1. 哈哈,妳唔講起,我都唔記得咗加番兩個 video 入去㖭,依家加番喇!我都係跟住 Maangchi 姨咁做法咋!

      乾淨衛生最重要,街市賣的話就唔敢生食同整沙律喇!

      刪除
  2. 回覆
    1. 哈哈,我表妹見到我發芽菜又係咁講!

      刪除
  3. 哈哈。。。我媽咪都經常自己發豆芽,而她讓出來豆芽係又肥嘟嘟又短,但好好味噢!

    回覆刪除
    回覆
    1. 點樣可以做到又短又肥?會唔會係用黃豆發?

      刪除
    2. 不是,係綠豆,我媽咪用黃豆,總是失敗,哈哈。。。記得她沒有用到筲箕,她浸同洗方法同您差不多,不同,時間最好第三日要拿來吃,否則就會變長;另外她沒有用筲箕直接用個有蓋嘅煲來讓。但佢同樣教d朋友,和親戚,但她們總是不能似我媽咪讓出來那樣又肥又短,真是奇怪。

      刪除
    3. 乜唔係用咩豆都可以好容易發到嗎?最近喺 Facebook 「素食青年」群組度有朋友分享咗個網頁,教大家用唔同嘅豆去發芽菜:http://book.tndais.gov.tw/Brochure/tech66.htm

      唔用筲箕,咁咪就係好似周博士個方法?但係第三日就食的話,真係好短㗎喎,而且又唔算真係太肥。

      刪除
    4. Kestrel,好耐無來探您喇,近來幾好吧!
      嗯!今次上來探您,係因為上年同您講過如果今年有包粽的話,就包個素粽請您吃,um......今晚已經包左,呢家煮緊啊!!!!!!係用糙米紅豆腰果綠豆包的,無肉,都算係素粽吧!嘻嘻……收貨嗎?
      您方便的話,就勞煩您Email我喇!
      chauman903happy@gmail.com

      謝謝您!
      啊! hahaaaa.....請恕我唐突啊!

      刪除
    5. Hi CM,真係好耐無見喇,原來超過半年有多囉!

      嗯,原來我哋之前都有傾過關於包素粽咩!?真係閉家伙,老人癡呆發作,我完全無呢個印象㖭!!太感動喇,妳咁有我心,反而我自己就無咗件事,真係超唔好意思呀,sorry sorry!!

      我哋大家都未見過面但我又收下妳親手包嘅粽,我覺得我真係唔好意思收呢,但妳份心意我真係完完全全收到哂㗎!妳想我 email 什麼俾妳呢?

      我早幾日都已經買咗粽葉同水草,準備聽日第一次試包素粽呀,今晚已經將糯米、開邊綠豆、紅豆同眉豆洗淨浸水過夜,希望聽日成功包到啦,但我上 Youtube 睇過好多示範都覺得唔太易掌握,好驚聽日包好哂之後烚粽時會漏料呢!如果我成功的話我就會 post 出嚟同大家分享,如果妳唔見我有出呢篇 blog 的話,咁妳就唔好笑我失敗喇!

      CM,真係要跟妳再講聲多謝呀!希望妳們一家人聽日開心過端午,一家團圓食自家製靚素粽呀!

      刪除
    6. 我都收到 e-mail 通知,睇到內容,但入到嚟就唔見囉!

      刪除
    7. hahaaa......真是奇怪!?^.^

      刪除