2014年10月28日星期二

超鬆軟的紅麴甘酒麵包

        近排老友 Louisa 跟仙姐一齊出國學整麵包,當然學到好多嘢啦,佢同我哋講,原來用直接法整嘅麵包都可以好好食,就算放到第二、三日都依然軟熟,秘技就係翻面!翻面係歐洲人整包時會用到嘅一種手法,喺麵糰第一次發酵完成兼排氣後,通常都會將個麵糰滾圓,之後鬆弛十至廿分鐘或作第二次發酵,Louisa 就教我哋用翻麵代替滾圓,排氣之後將麵糰上下左右向內摺入,然後收口向下鬆弛 15 – 20 分鐘,時間許可的話,可重覆多一次,之後先至最後發酵,藉此將空氣摺入麵糰內,令麵糰內含有更多空氣幫助膨脹。
       

        前日又整紅麴甘酒包,今次有少少特別,額外落多少少水落去搓麵糰,放入雪櫃低溫發酵過夜,第二日拎番出嚟回室溫後就排氣,之後翻麵一次,最後發酵 45 分鐘就入爐焗。
 
出到嚟個割紋比以前爆得開、爆得靚,而且包質都好好,
即使第二日無焗番熱、無叮番熱食都仲係好軟熟,
不過始終依家天氣乾燥,攪到個包都有少少乾。
 
 
 
 
 
用甘酒整麵包會有一種好特別嘅味道,有點
鹹鮮味,老表話食到有點似南乳味道喎!
可能係有少少醬油麴嘅作用啩!?
 
 
 
 
 
唔客氣喇!
 
 
 
 
 
甘酒可參考型仔廚師個 Amazake 做法。
 
 
 

10 則留言: