雙色麵筋

        一開場先講啲題外話先！上次咪話睇《元味好生活》時知道台灣人好鍾意一家大細去露營嘅，原來香港依家都已經有好多人攪緊呢門生意。唔知大家有無睇《財經透視》呢？有的話就實知我講乜，大嶼山、西貢及天水圍都有營地，提供埋露營車或露營屋，最正係天水圍嗰個營地，引進咗法國製造嘅波子營，望落好似係塑膠造，最特別係球形嘅上半部份係全透明，夜晚瞓覺時好似露天而睡，但又唔怕風吹雨淋，好好 feel，無睇過呢集節目的話就快啲 click 入去見識見識吧！

 

        入正題喇，噚晚煮咗齋鹵味，正確啲講係素鹵味至真，因為有用五辛呢！

 

 

甜酸麵筋個汁就係自己調嘅，而咖喱麵筋

就係用現成咖喱醬咋！

睇到嗎？個咖喱麵筋有乾蔥頭哦！

        製作方法可參考《齋鹵味拼盤》。