豐富的第一餐

        嗱嗱嗱，咪插我住呀，對我嚟講真係好豐富㗎喇！！！

 

        平日起身後都食得好簡單、好求其，麥皮、麵包、muffin、餅乾或者 cereal 就算數，總之叫做有嘢落肚就算㗎喇，好少可會攪咁多 "花臣"，又多士又蘋果，仲沖埋杯檸茶㖭，因為噚日切咗個檸檬煮意粉嘛。

 

 

解凍冷宮塊隔咗唔知幾多夜嘅麵包，先烘烤至金黃，

再將蒜蓉、初榨橄欖油、鹽同香草混合好，

塗上多士上，再焗多五分鐘就攪掂。

呢隻磨蓉碟係咪好 cute 呢？我好鍾意㗎，係媽咪 N 年前買落，

可以磨到好幼細嘅蓉，但最重要係啲 "磨釘"都

幾圓滑，絕對唔使怕磨傷手呀！