2011年10月12日星期三

美式甘筍蛋糕 American Carrot Cake

        一直以嚟,我都認為甘筍蛋糕係美國嘢,但原來原本係英國貨,後來傳到美國之後大受歡迎,美國佬仲加上一層 cream cheese 喺面頭,做成美國特色嘅甘筍蛋糕。

       呢個美式甘筍蛋糕係我噚日整嘅,面頭嗰層
cream cheese 當然唔係正貨啦,都係同樣用豆腐整!不過我驚上次整嗰種豆腐 cream cheese 會太瀉身,所以就跟著同一本書裡面另一個用豆腐整嘅打發忌廉,因為佢加咗大菜落去整,咁就會挺身好多喇!


豆腐打發忌廉

材料:
實豆腐          250
檸檬 汁         1/2 茶匙
蜜糖              2 湯匙
麥芽糖          1 1/2 茶匙
                 100 毫升
大菜粉          1 茶匙
                 1/8 茶匙
檸檬皮茸      1/2 個檸檬份量

- 豆腐先放水內煮一陣或隔水蒸熱,盛起、瀝乾水。

-
150 豆腐加入檸檬汁,放入攪拌機內打成豆腐蓉。

-
將其餘材料放煲內加熱,直至大菜粉完全溶解,之後過篩倒入豆腐蓉內拌勻。

-
當混合物攤凍並凝固後,放入攪拌機內,連同剩餘嘅 100

-
之後放入雪櫃內雪凍數小時即可。

以上材料份量可做豆腐打發忌廉約
400 毫升。

食譜出自 Patricio Garcia de Paredes 《不使用砂糖的自然派 sweet 甜點》
 


 

甘筍蛋糕

材料:
合桃             55
            230
雞蛋             2
黃糖             160
橄欖油         135 毫升
低筋麵粉      140
泡打粉         1 1/4 茶匙
梳打粉         1/4 茶匙
肉桂粉         1 1/2 茶匙
薑粉             1/2 茶匙
豆寇粉         1/2 茶匙
                 少許

-
合桃略沖洗,之後用抹手紙索乾水份,放入焗爐用 140 °C焗香,出爐後切碎。

-
甘筍去皮後刨絲;雞蛋拂打成蛋液,備用。

-
將糖同油混合好,略拂打;所有粉類過篩 3 次。

-
將一半粉類加入糖油混合物內混合好,然後將剩餘嘅粉類與蛋液交替拌入。

-
加入甘筍絲及合桃粒,拌勻後將麵糊倒入模內。

-
放入已預熱至 180 °C 嘅焗爐內焗約 40 - 45 分鐘,出爐後攤凍。

以上材料份量可做
7 X 7 吋方形蛋糕一個。

參考食譜:The Complete Book of Home Baking by Heilie Pienaar.





組合
 

- 將蛋糕表面拱起部份切去。

-
喺蛋糕表面抹上適量豆腐打發忌廉,然後再灑上少許橙皮茸作裝飾。



啱焗好出爐嘅甘筍蛋糕,顏色好靚、好金黃。




灑上橙皮茸後,令蛋糕多一份清新味道。





味道唔錯,不過我略嫌香料味道唔夠重,下次要落重手少

 



Notes
- 由於我自己無大菜粉,所以我就用 5
  啲時間。

-
食譜上寫住,如果豆腐打發忌廉製成後係用嚟裝飾、抹cream 或擠花的話,豆腐要加
  到 300要用3 茶匙,而大菜粉就要用 1 1/4 茶匙。

- 甘筍係西式紅蘿蔔,並非煲中式湯嗰種。

3 則留言:

  1. 下次你試下用青紅蘿蔔呀~~甘筍同紅蘿蔔..咪即係同一樣野..carrot嘛!!!!又叫胡蘿蔔...係你自己搞唔清咋喎.....
    [毛豆回覆10/13/2011 08:55:37]街市好多同類野都係分開擺...只係佢地既來貨產地唔同而影響左價錢....
    甘筍,胡蘿蔔都係叫carrot .
    而紅蘿蔔就係叫radish=====>http://www.google.com.hk/search?hl=zh-TW&rlz=1T4ACEW_enHK385HK385&q=radish&um=1&ie=UTF-8&tbm=isch&source=og&sa=N&tab=wi&biw=1024&bih=628
    [版主回覆10/13/2011 02:06:33]梗係唔同啦!妳去街市睇吓啦,兩種分開擺o架,甘荀係平過紅蘿蔔o架,而且甜度都唔一樣!

    回覆刪除
  2. 緊張大師-小女人2012年9月1日 上午11:49

    Kestrel,如我照你呢個食譜一模一樣在蛋糕面加上豆腐打發忌廉,咁我雖要加份量嗎?因為你Notes所講要加,但你呢個無加的但做到,對不對,我要下星期整你呢個送朋友,因她勁愛甘筍蛋糕,你做得好靚同好詳細介紹我希望可以做到.你會用那隻蜜糖,外面實是太多種類看到不知買那些比較好,你用那隻我跟你好過啦
    [緊張大師-小女人回覆10/02/2012 14:49:02]放心,康復中.第一,皮肉已無咁痛但骨仍痛,第二,現在好密的去治療希望有效,第三,現不停運動都有幫助的,多謝你祝福
    [版主回覆10/02/2012 02:39:53]希望妳早日康復啦!
    [緊張大師-小女人回覆10/01/2012 18:53:31]明白,但我仲未有機會去過呢間睇,現在朋友介紹中醫師再試針灸希望可以好一點
    [版主回覆10/01/2012 03:11:36]去廣華唔係睇街症呀,係要過去中大中醫學院嗰邊預約睇症,之前我媽咪就係因為西醫覺得已經無嘢再可以幫到佢,之後就轉介過去睇中醫,叫做好過喺度等走人!所以唔同輪籌睇街症㗎!
    [緊張大師-小女人回覆09/23/2012 08:16:26]廣華太多老人家去排我真係唔想再同老人家爭了,好早就排長龍,所以自己暫時尚算花點錢就搵外面的睇,當我又老又無錢我一定會去的.
    $700好貴呀,我早前去一間差不多咁上下價錢,做了十次都六千八,無乜料到以後唔去了,要找一間又平又靚又正再要去找一下才行
    [版主回覆09/21/2012 23:36:45]我以前同媽咪一齊去搵嗰個師傅好得,不過成 $700 一次,好肉痛,我唔捨得!
    妳有無試過廣華醫院?
    [緊張大師-小女人回覆09/20/2012 15:42:22]我現在真係搵緊又好又平,因為唔係做一半半次,要好好治療太貴就花不起,我現在醫葯費都用了好多錢啦.,花了六千八針炙保險只回三千多,其他都要自己補貼好傷呀,我如找到同你講一聲呀
    [版主回覆09/19/2012 23:02:11]我都唔太知價,不過廣華醫院就 $200 一次,不過唔知幾耐,唔記得喇!
    我想搵個又好又平!
    [緊張大師-小女人回覆09/19/2012 20:01:27]唔好,就係想搵個好少少但仲未有好的介紹,二個鐘五百,唔知係平定貴,.但我唔鐘意呢個女仔手藝麻麻
    [版主回覆09/17/2012 22:50:19]期待呀!!
    係呢,妳依家個推拿師傅好唔好?收費貴唔貴呀?
    [緊張大師-小女人回覆09/17/2012 14:32:30]我稍後會post現在隔天要做物理治療,針炙,推拿好忙呀.好快會出的
    [版主回覆09/17/2012 12:06:40]咁要恭喜妳喇!妳有冇 post 上 blog 呀?我未得閒過去探妳。
    [緊張大師-小女人回覆09/08/2012 12:42:58]多謝老友,我好番好多,只是背和腰椎仍痛,令我行和坐不能太耐.你過奬啦,朋友是用心來交的,所以我所有朋友都認識了好長時間架,我感恩身邊不止一個知己那也是福氣呀,.我已弄了二次你的甘昏蛋糕,第一次失敗第二次總算焗到啦,但個豆腐忌廉抺得無你咁靚同咁好,以我功力我收貨啦,希望友人都鐘意食啦.
    [版主回覆09/08/2012 01:10:36]妳真係好有心呀,專登買個方形模整,妳朋友真係有福氣,有妳呢個咁有心嘅好友!
    原來妳情況係咁,唔怪得之要先生陪去買嘢啦!放心啦,妳咁好人,佛力加庇,妳會好快康復㗎喇!
    [緊張大師-小女人回覆09/04/2012 18:08:50]我隻手無加拿車仔呀,我一隻手仲要用手扙,所以無人幫手我出唔到街買東西,暫時好無用,等痊癒後就無問題,我都好大壓力呀,我朋友係整餅高手,她最愛业筍蛋糕,我不自量力要整但見到你呢個食譜係我睇咁多最鐘意同好詳細介紹我才決心去整呀.要看看結果才可以知答案如何,但我買了個7吋正方模,我唔想有所不同,要跟你一樣才行.多謝你祝福,等啦仲有二日....哈哈哈
    [版主回覆09/02/2012 22:31:31]嘩,俾妳講到我都有點壓力㖭,話哂都係送禮嘛!我怕係驚嚇多呀,唔係因為妳手勢有問題,係我個食譜有問題咋!
    咁點解妳唔推車仔買餸呀?咁咪要等先生放工先可以去街市囉?
    用 7" 模應該會有材料剩呀,因為圓模少咗方角部份嘛,不過唔緊要啦,多出嚟嘅咪另外焗好自己倆口子試味囉!
    預祝成功!
    [緊張大師-小女人回覆09/02/2012 16:11:40]我預計星期四下午會整,呢二三日要買齊晒材料,因為我先生不是可以成日陪我買到東西,咁我手又拿唔到咁重,只好分幾日買啦,星期五請朋友吃飯會帶埋出去給她驚喜定驚嚇就唔知啦,要整左先可以講,但我無7" x 7"的模用7" 圓模應無問題的.我都好心急想睇下整成點
    [版主回覆09/02/2012 13:52:01]咁妳又幾好喎,有個長期蜂蜜贊助商!
    妳整好蛋糕就記得影相喇!
    [緊張大師-小女人回覆09/02/2012 09:45:12]明白啦,我就照你的食譜只加重一點點味朋友一定喜歡,謝謝你咁詳細解話.
    我家用緊的蜜糖就是朋友自家養蜂提取的,她包我一世架,所以我不用買,只是她現生BB無時間弄給我,而我家中的蜜糖又吃光了,咁出去買實太多種類不知揀那些好,如你所講等我買些平平地就算啦,哈哈~等我朋友生完就有蜜糖吃啦
    [版主回覆09/02/2012 01:43:35]依我謹有無老人癡呆的記憶,應該係夠用㗎,Notes 所講嘅係指如果用嚟抹 cream、唧花時,先要將材料加碼,令到整體更加硬淨結實,而唔係指份量而言。
    如果妳朋友鍾意香濃蛋糕的話,咁薑粉、肉桂粉同豆蔻粉就要加多少少喇,因為我覺得跟食譜份量味道唔夠香濃。
    至於蜜糖,妳唔會買到㗎喇,因為係我老竇個 friend 自己釀製㗎!妳如果諗住買一般蜜糖的話,咁我就會建議妳買隻 cheap cheap 級數算喇,因為蜂蜜係唔可以太高溫加熱,會將營養破壞,如果妳用高檔貨色棧嘥料咋!

    回覆刪除
  3. 緊張大師-小女人2012年9月6日 下午6:27

    我整了啦,但個蛋糕失敗了,你睇電郵我寄了給你,但好奇怪我打的豆腐好黃,水了一些,我多了檸檬汁,你的好白好厚好靚,我完全塗唔到好似你咁樣???功多藝熟真係要慢慢來才行
    [版主回覆09/17/2012 23:21:40]我自己無用錫紙包外圍㗎,直接用牛油紙摺成一個同方形模一樣大細嘅 "兜",放入模內再倒麵糊,所以唔會漏㗎!而且用牛油紙又唔會黐,用錫紙就要另外再搽油喇!
    豆腐忌廉呢,我就直接將佢倒入蛋糕模內(蛋糕唔拎出,留於模內),之後再喺枱面 "櫈" 幾下,櫈到佢平之後就等凝固,所以其實係有個模框幫手定形至可以做到又厚又靚呀!
    [緊張大師-小女人回覆09/08/2012 12:50:29]嘩,多謝你講得咁好呀,我會記住咁樣做先得,難怪我整唔到啦,我少了咁多步驟,我咪馬上再焗第二個,七點半開工,整到十一點....人散了好累呀,但成功,第一個留回自家吃,家人話味道好好,你個食譜係好成功既,我大菜絲唔夠,那全部用魚膠代替,但豆腐抺得一點也不靚就係真既.我想知我用鍚紙包住個四方模但點漏了好多粉漿出來係咪我唔懂包呀??有無好方法唔會漏呢?跟住係要在裡面加上牛油紙那就妥善.我稍後有時間被你睇下第二個,雖唔係好靚但我都盡力啦
    [版主回覆09/08/2012 01:05:27]睇咗 "姨貓" 喇,其實妳都唔係唔成功呀,只係個蛋糕黐實咗模啫!妳係咪唔記得搽油灑粉呀?所以我多數都會包牛油紙,肯定無衰!
    咁妳有冇食過?味道如何?如果好食的話其實真係無問題,下次記得包牛油紙咪 OK 囉!妳依家趕唔趕得切再整一個送俾朋友呀?
    妳無錯㗎,顏色係好黃㗎,係黃豆嚟㗎嘛!妳睇番我第一張相都係好黃㗎!
    可能因為妳落多咗檸檬汁,所以比較稀,同埋可能嚿豆腐未瀝夠水份,我睇過肥媽個節目,佢教人用抹手紙包住嚿豆腐,之後再喺上面壓重物,咁就可以排出更多水份喇!
    如果我無記錯的話,我好似係影完相之後將張牛油紙摺番好,包番好個蛋糕之後放番入個模度,之後先至倒豆腐忌廉落去,因為有個模圍住,所以咪可以厚啲囉!如果無老人癡呆發作的話,我應該係咁做!
    加油呀,繼續努力,妳終於都可以成功㗎!

    回覆刪除