黃薑雞湯

    噚日去教 Ernest，佢媽咪話特意等我嚟煮個黃薑雞湯俾我試試，但可惜噚日係初一，我要食齋，於是 Ernest 媽咪就搵咗好多個膠盒，將湯同料分別入盒儲存好，等我可以拎返屋企今日先飲。無端端因為我唔食熏要麻煩到佢，真係唔好意思呀！

雞湯真材實料，除咗有鮮黃薑同雞之外，仲有豆腐卜、
芽菜、粉絲、椰菜、青檸汁同辣椒，味道非常好，
好有地道東南亞風味。

Ernest 媽咪話俾我聽，呢個雞湯除咗可以補身之外，
大馬人多數都會飲呢個湯嚟驅風 o架！

自己再加多個炒飯，咁就好快手攪掂咗個晚餐喇！





每次整叉燒我都必定會留起一半用嚟炒飯，今次都唔例外，仲學咗
Motonako.A 咁加埋生菜絲一齊炒，除增加清爽口感外，
又可以有多份蔬菜食，咁就唔駛額外再灼菜啦！