之前整嘅檸檬醬原本係諗住用嚟整檬檬批，但係一路擺喺雪櫃度都無興致郁手整，皆因始終都係覺得個醬有 “朕” 牛油味，唔係好頂得順，如果用嚟整檬檬批的話，咁就真係死得人多囉！皆因檬檬批其實係啖啖檸檬醬放入口食咁滯！
查實我買呢隻牛油，對大部份人嚟講，都會覺得乜味都無，成品完全無牛奶香味，但係我都係覺得 “un-頂-kable” 囉，所以都係等下次試用橄欖油整，睇吓成唔成功，如果成功的話先再整檬檬批啦！
咁呢樽檸檬醬就用嚟整蛋糕罷喇！
其實呢個蛋糕同上次整嗰個檸檬醬罌粟籽蛋糕係同出一徹，
只係加重檸檬醬份量同落咗藍莓去整。
早排喺超市見到藍莓做特價，唔駛 $10 盒，仲非常新鮮、
非常大粒，咁就即刻買咗兩盒。
蛋糕係整嚟帶番中心請 Miss Cheng 同埋其他同事食嘅，
用紙杯整幾好，一人一個，夠哂方便。
用紙杯整幾好，一人一個，夠哂方便。
反正都整開個麵糊，梗係一次過整多啲，留番條俾自己食嘛！
今次加咗藍莓一齊整，當然更加 yummy 啦！
檸檬批唔一定要用牛油架..用蛋,檸汁, 糖, cream咪得囉.
回覆刪除作C定了, 我講左9世話整檸批到家下就黎世界末日都係未有興致郁手...次次整cupcake話要加poppy seeds又係唔記得
[版主回覆04/20/2012 15:07:36]阿豆，乜原來我哋係病友呀！
係咩，乜又唔世界末日嗱，等我仲空歡喜一場 o添！
[版主回覆04/20/2012 15:06:18]緊張大師，妳可以上去Youtube 度搵吓食譜，我見過有幾個都OK o架，好似有個係 Nigella Lawson，應該唔差得去邊！
[緊張大師-小女人回覆04/20/2012 10:57:52]Kestrel我成日都想整檸檬批你找到食譜做完給我們看看,等你呀,無壓力.謝謝
[毛豆回覆04/18/2012 18:28:19]我唔怕老實同你講: 我係老人痴呆長期病患者黎架
依家又話唔會世界末日,咁我咪唔急整囉
[版主回覆04/18/2012 17:46:06]用cream整都OK頂得順呀，因為我搵到隻無乜臊味嘅法國cream呀！我再搵搵食譜先。如果我用橄欖油整lemon curd唔知凝唔凝固到呢？
妳都係唔好睇我個blog咁多喇，睇得多攪到老人癡呆傳染埋俾妳就唔好啦！快啲係世界末日前整lemon pie 啦！
藍苺香港都有咁平
回覆刪除[版主回覆04/18/2012 17:42:37]係呢次咁大把囉，都唔知「惠康」突然癡咗邊條筋，減到咁平！
啲藍莓好平呀！
回覆刪除[版主回覆04/18/2012 17:49:01]其實藍莓食落真係無乜味，又唔甜、又唔酸，不過用嚟整餅就會無咁 "漏" 囉！
[緊張大師-小女人回覆04/17/2012 15:29:58]見到呀,真係好平.....但我買了幾盒吃過食唔到有乜特別,但比以前平好多喎
[版主回覆04/17/2012 14:40:36]其實係「惠康」唔知發乜神經，突然間賣到咁平，平時通常都賣十零廿蚊盒o架！
見倒有poppy seeds呀..我同你吞晒佢都冇問題架！
回覆刪除[版主回覆04/17/2012 13:37:24]係喎，罌粟籽係妳心頭好喎！好啦，明益妳喇！
嘩,你都整好多喎.....勁呀,鬆餅我見到都......想食.早前一口氣整了三天,四盤十二個.....滿足
回覆刪除[版主回覆04/26/2012 12:51:44]咁蛋白霜知道喇啩？
我抆忌廉都勁樣衰，妳睇睇我最新個黑森林蛋糕就知o架喇！
[緊張大師-小女人回覆04/22/2012 10:53:19]我識用牛油加糖打但個名叫牛油霜我好蠢呀,多謝.我無信心呀,同時抺忌廉就未到成功
[版主回覆04/22/2012 00:09:14]牛油加糖打至發白咪就係牛油霜囉！
有接生日蛋糕order 呀，點解做唔嚟呀？
[緊張大師-小女人回覆04/20/2012 17:58:38]試過用牛油,但不是牛油霜係乜?可否解釋一下.但我知澳洲有牛油精,我現在都有一些用來打忌廉好香,好似用牛油咁款.我的餅還未到家,只是老人家俾面而已,他們知我全都是健康同材料選最好的,我買料好貴,因為食下肚不能馬虎.所以只係一些簡單的糕點,有次訂生日蛋糕我都做不來,幾慘呀
[版主回覆04/20/2012 15:15:15]咁咪好囉，可以轉行做包餅，咁咪可以在家工作囉！
我知妳整muffin係用液體油整，濕料溝乾料，咁有冇試過用牛油霜整呢？
[緊張大師-小女人回覆04/20/2012 10:56:01]係呀,我昨天焗檸檬合桃,老公和我吃了六個,嘩來得及俾五個媽媽....要不是再焗多一盤才有得比媽媽拿走.....我一家都愛吃,所以無法,同時媽媽要打麻將就要我焗餅給她招呼老友...她個個朋友都喜歡我做既餅...有些老人家還同我訂餅添.所以我整好多,我買幾包1kg的粉,你真係估唔到我有幾快用光....
[版主回覆04/18/2012 17:41:31]其實唔係好多咋，因為紙杯好細隻o架咋！
呢個幾好食呀，我Miss同學生食過都讚！
妳三日內總共整咗48個！！？？
其實我好怕牛油嘅"so"味
回覆刪除[版主回覆04/18/2012 17:38:02]嗯，原來有好多blogger都同我一樣好怕奶製品嘅臊味喎！
妳有冇留意到我之前介紹過一本食譜，叫做《不使用砂糖的自然派 sweet 甜點》呀？呢本書幾好，所有食譜都唔用奶類製品同精製糖，妳可以喺我個blog度search番有關資料看看，亦可到公共圖書館借閱。
感謝您的分享！祝你有個美好的一周！
回覆刪除[版主回覆04/18/2012 17:26:46]
good
回覆刪除[版主回覆06/05/2012 12:42:39]Thank you!