2012年6月6日星期三

頂唔到角嘅方包

呢個麵包多士又係 壞腦前嘅作品。




今次試吓玩頂角方包,可惜又係失敗!!







其實發酵緊
嗰陣,我都完全無咗件事,發到已經十成滿,頂到個多士模蓋
都開唔到,以為今次實成功啦,點知都係唔掂,我懷疑緊係咪因為
我個爐無發熱線嘅緣故,單靠熱風同石英管係做唔到效果。


 



唔理咁多喇,頂唔到角都係照食㗎啦!預先整好碎蛋吞拿魚醬,
切件後即刻食得。新鮮出爐熱辣辣嘅麵包真係超正呀!

 




詳細材料份量及製作過程,請睇番之前嘅《湯種白麵包多士》啦!


3 則留言:

  1. 咩事係都要頂角呢..好食d既咩...純粹心理作用咋呀...
    依家配埋吞拿魚碎蛋都超正啦..理得佢角唔角咩
    [版主回覆06/14/2012 00:10:27]唔係要強求頂角,而係發覺個焗爐本身問題,要求證猜測是否正確!因為就算整muffin同其他糕餅,發覺同用有發熱線焗爐做出嚟嘅成品有少少差別。

    回覆刪除
  2. 睇落都好好食吖! 唔頂角唔緊要, 千期唔好有口角 !
    [版主回覆06/14/2012 00:07:29]哈哈,妳真係抵死嘅啫!

    回覆刪除
  3. 緊張大師-小女人2012年6月8日 上午8:24

    超愛即時出爐包包.......加埋蛋碎吞拿魚愛到暈,有無留番件俾我呀?
    [緊張大師-小女人回覆06/28/2012 21:40:52]係好好用呀,我每天整二次,日日有新鮮包包食,每日不同款,無呃你,幫我不用搓得咁辛苦,但仲未搵到點樣整白麵包...仲睇緊點用
    [版主回覆06/27/2012 21:20:52]真係好用?
    [緊張大師-小女人回覆06/18/2012 13:16:08]我咪就係買呢個囉,$499超平,因我睇了好多不同品牌,,,,,嘩,最平都過千架,咁平平地用住先,如好用等呢部壞了才買個貴啦.我昨天焗了二盤,一腸仔包二合桃包....好食到停唔到咀...現在大減價就快去買啦
    [版主回覆06/18/2012 01:06:31]一磅麵包?咪即係一個多士模咁大囉!妳可以睇番我之前嘅白麵包多士食譜就知份量喇!
    最近我同個 friend 都心郁郁想買「憶世通」部麵包機呀,因為唔想嘥力、嘥時間去搓麵糰。
    [緊張大師-小女人回覆06/16/2012 08:50:35]我買了啦,但睇極都未知點用,同時此機整一磅麵包,那多少材料可以整一磅又唔知,現在真係煩,用手搓無咁煩....等我慢慢再研究下先
    [版主回覆06/15/2012 22:15:44]妳有冇上網睇吓其他人對佢嘅 comment 呀?
    [緊張大師-小女人回覆06/14/2012 07:33:38]真客氣,謝謝你呀,我剛看到一個韓國麵包機,勁鐘意,大減價中....考慮緊要唔要買呢?
    [版主回覆06/14/2012 00:06:27]一早預妳一份啦!

    回覆刪除