超恐怖！！

        今朝 (其實都差唔多中午) 起身之後就即刻去開機洗衫，之後先至去梳洗兼 “辦大事”，做埋早課之後啲衫就啱啱洗完可以晾，正當我拎出個洗衣機隔網準備清理裡面啲毛塵時，發現隻曱甴屍骸喺個網入面，嚇到我丟都丟唔切，晾到最後一件衫時，原來機底仲有啲殘肢同翼！！！嗰一刻我真係有諗過成機衫重新再洗過，但係諗吓重新再洗又要嘥多四機水，算吧，當無事發生過！！其實都唔係第一次㗎喇，真係好唔明究竟佢係點樣自投羅 “網” 嘅！！

 

 

剛剛整好哂嘢準備我嘅第二餐，整咗個薯蓉沙律、烤

雜果仁，仲有車厘茄同青瓜伴日式芝麻醬，

雖然簡單，但食得健康。