2014年8月24日星期日

超恐怖!!

        今朝 (其實都差唔多中午) 起身之後就即刻去開機洗衫,之後先至去梳洗兼 辦大事,做埋早課之後啲衫就啱啱洗完可以晾,正當我拎出個洗衣機隔網準備清理裡面啲毛塵時,發現隻曱甴屍骸喺個網入面,嚇到我丟都丟唔切,晾到最後一件衫時,原來機底仲有啲殘肢同翼!!!嗰一刻我真係有諗過成機衫重新再洗過,但係諗吓重新再洗又要嘥多四機水,算吧,當無事發生過!!其實都唔係第一次㗎喇,真係好唔明究竟佢係點樣自投羅 嘅!!
 
 
剛剛整好哂嘢準備我嘅第二餐,整咗個薯蓉沙律、
雜果仁,仲有車厘茄同青瓜伴日式芝麻醬,
雖然簡單,但食得健康。
 
 
 
 

10 則留言:

  1. 嘩~真係好得人驚!但我諗我都會因為慳水,唔再洗D過衫~~

    回覆刪除
    回覆
    1. 係囉,真係啱啱瞓醒,眼都未睜得大就見到啲咁嘅嘢!!

      其實用洗衣機洗衫都真係幾浪費食水。

      刪除
  2. 嘩, 好恐怖啊, 我最怕見到小強架. >.<

    回覆刪除
  3. 嘩,好恐怖,隻曱甴咁都入倒去。。。
    我屋企都剛發現有曱甴,好驚。。。

    回覆刪除
  4. 依家的蟲蟻都唔知點嚟嘅,我家厨櫃早排發現有D好細好細黑色類似蟻的東西,但行得好緩慢,嚇到我成間厨房反轉來清潔,但又唔見有蟻穴喎,希望抹咗唔會再有喇

    回覆刪除
    回覆
    1. 如果妳唔介意殺生的話,妳可以試試用氣霧式殺蟲劑,老友話都幾有效!

      刪除
    2. 焗完之後,全屋所有嘢係咪要洗過哂先用得咖?

      刪除
    3. 應該唔使,因為嗰啲化學劑係高揮發性,之後好快會散走!

      刪除