上個禮拜買咗份雪梨供佛，用咗 3 個，剩低兩個自己食，點知難食到爆，可能未係時候啦，入口有渣之餘，仲酸到呢 …… 真係打哂冷震兼即刻變超人，另外嗰個即刻放棄唔食！！
供完佛換落嚟嘅蘋果，一個要咗嚟整泡菜，另一個又唔知點用好，見到個超酸雪梨，靈感即刻到，就用嚟整 fruit crumble 啦！
我都幾鍾意整 crumble 呢款 dessert，一來簡單易做，二來
用糖量相對少，而且細細盅，食完都唔會好飽好滯。
食食吓又食到好酸，第一時間諗到可能太重手，落多咗檸檬汁，
但係諗真啲又無可能，因為我真係用好少量去撈生果，
後來醒起梗係又係個爆酸雪梨作怪！！
參考食譜：
哈哈，唔好食的生果，我都不浪費，煲湯，煲水，做甜品。
回覆刪除我都係咁呀！
刪除