2015年5月9日星期六

雙色迷你缽仔糕

        Blog 友小月話唔知點解整缽仔糕時啲紅豆會沉哂落底,我自己都唔明白,因為我上次整時真係全部浮面,但我依家應該估到係咩原因喇,因為今次自己都中招嘛!!!
 
        唔知大家有無遇到相同情況,依家啲紅豆好難煲得腍,甚至係煲極都唔腍,初時以為自己買啲紅豆 cheap 先會有呢個情況,但原來朋友同學生家長都係咁講。唔記得喺邊度聽過話紅豆越大粒就越難煲得腍,之但係依家好似都幾難搵到細粒紅豆嚟買,周圍賣嘅都係大大粒,所以我每次煲完紅豆都會先放上冰格雪至結冰,之後先再用嚟嘢,咁就一定會腍,跟十分鐘就煲好粥嘅原理一樣。
 
        呢次就係因為偷懶無做到放冰格呢個 step,紅豆唔係真係完完全全煮腍哂,仲帶點實,有點重身,所以最終全部沉哂底!!

 

  
今次整咗兩款口味,一款係白糖,而另一款係紅糖。
 
 
 
 
 
 
用矽膠模都成功整到哦,而且個中心仲凹得好犀利㖭!
 
 
 
 
 
 
哋睇,全部紅豆都沉哂落底哦!
 
 
 
 
 
        食譜請參考《黑糖缽仔糕》。
 
 
 

10 則留言:

  1. 比您一言驚醒,我嗰D豆係大粒咖,依家很少細粒的了,最近有朋友給了我一些細粒,是她在日本買回來的,下次用來試吓先。

    回覆刪除
    回覆
    1. 係呀,我都想買細糕紅豆,但真係好難搵!

      刪除
  2. 係喎,您個模好靚呀,D豆在中心,成朶花花咁。

    回覆刪除
    回覆
    1. 我幾鍾意用呢個矽膠模,成品無論係底定面都好靚,不過始終係膠,遇油就好難洗得乾淨,所以我只會用嚟整啲無油嘅食物。

      刪除
  3. 之前新年我整畀朋友仔嘅馬蹄糕都係咁,沉底。唔知係咩原因呢?

    回覆刪除
  4. 好耐以前整過,都唔係好記得點LU:P
    食砵仔糕一定要多豆,自己就最好~~

    回覆刪除
    回覆
    1. 係呀,我唔多鍾意食無豆缽仔糕,覺得好似淨係食緊糰粉咁!

      刪除