2011年10月4日星期二

意大利拖鞋包 Ciabatta

        Ciabatta 都買過嚟食過幾次,但係就唔係太多麵包書有教整。咁啱早前喺圖書館見到有本麵包書教整呢款包,我當然會即刻借番屋企跟食譜整啦!

        雖然呢本食譜係「法國藍帶廚藝學院」出版,理應相當信得過,不過我都有睇過吓整過 ciabatta blog comment,佢哋都話個麵糰好濕,所以我就 "醒水" 喇,搓包時刻意扣起少少水,費事到時攪到 "哩咁 hea",而且食譜都一樣有教預留少少水份,作為調整麵糰軟硬度之用。


 
麵種
 
材料:
高筋麵粉      250
               約 160 毫升
即用酵母     1
               4 克 
 
- 所有材料放入食物處理器內攪拌成麵糰。
 
- 拎出麵糰,放上已灑粉嘅枱上,繼續搓揉及摔打成光滑麵糰。
 
- 將麵糰滾圓,放入已灑粉嘅兜內,用保鮮紙包好,發酵至少 4 個鐘或以上即可。
 
 
 
主麵糰
 
材料:
高筋麵粉      115
全麥粉          10
                 80 毫升
即用酵母      2
                2.5 
麵種             100
橄欖油          2 茶匙
 
- 除麵種及橄欖油外,將其餘材料全部放入食物處理器內攪拌成麵糰。
 
- 拎出麵糰,放上已灑粉嘅枱上,用手壓平麵糰,將麵種包入。
 
- 之後放番入食物處理器內攪拌,然後加入橄欖油搓勻。
 
- 拎出麵糰,放上已灑粉嘅枱上,繼續搓揉及摔打成光滑麵糰。
 
- 將麵糰滾圓,放入已灑粉嘅兜內,用保鮮紙包好,發酵 2 個鐘。
 
- 枱面上灑多少少粉,放上麵糰,再喺麵糰表面灑上粉,然後用手壓扁麵糰、排氣。
 
- 烤盤墊上入爐防黐蓆,再喺蓆上灑多少少粉,然後放上麵糰。
 
- 麵糰表面同樣灑粉,之後用乾布冚住,發酵 45 - 60 分鐘至兩倍大。
 
- 焗爐預熱至 230 °C,之後放入烤盤及一碗水,焗約 30 分鐘至熟。
 
以上材料份量可做 320 麵包一個。
 
食譜出自法國藍帶《法國麵包基礎篇》。
 
 

 
似拖鞋嗎?我覺得似一隻無咗 "" 字膠帶嘅人字拖
 
 
 
 
 
 
雖然個包徬晚已經整好,不過到夜晚食時,一切開都仲有
好香嘅味道,而且包肉都非常軟熟。
 
 
 
 
 
 

Notes
-
原食譜係用法國麵包粉;而主麵糰材料中嘅水用量原為 65 毫升加牛奶 15 毫升。


- 若麵種係預先一晚整定的話,則麵種麵糰室溫發酵只需 2 個鐘,之後放入雪櫃內繼
 
續低溫發酵。


- 用剩嘅麵種可以用保鮮袋包好,然後放上冰整保存,用之前解凍變軟即可。

- 建議用初榨橄欖油,因為可以為麵包帶點橄欖油香氣。

 

 

4 則留言:

  1. 呢期條筋搭左上熱他利野度呀...有前途呀
    人字拖冇左人字點出黎行呀...加返上去啦...唔係路既...
    [版主回覆10/06/2011 01:34:00]        我不嬲都搭上西餐 o架啦!所以我真係大有前途 o架!         唔加喇,我都唔係出 嚟行 嘅人,駛鬼怕咩!

    回覆刪除
  2. 中種發酵不足4-12 小時 也可, 看妳的面糰發酵溫度過低引至!
    [版主回覆01/14/2012 23:21:16]發酵溫度過低?

    回覆刪除
  3. 窿眼不夠大 組織欠光澤 ?
    [版主回覆01/14/2012 23:21:47]一定要氣孔夠大嗎?

    回覆刪除
  4. 有改善空間 !
    [版主回覆01/14/2012 23:23:18]當然啦,我只係得閒喺屋企玩吓,連 "業餘" 都稱唔上啦!

    回覆刪除