2012年4月25日星期三

黑森林雪芳 Black Forest Chiffon

    Ryan 今年又有玩校際音樂節,本來諗住佢都應該 三甲 不入,因為今年佢好忙兼好懶,都無乜練琴,仲係咁多次比賽之中最唔認真、最唔投入嘅一次 o添!點知,居然俾佢攞到個第二名返嚟,佢梗係好開心啦,一離開會場就即刻問媽咪拎個電話,話要即刻同我報喜!


 


    之後,佢仲喺 Facebook 度寫咗段攪喊人嘅文字o添:


 


    關sir: 今日終於所有測驗和默書完畢了, 可以正正式式的跟你道謝. 幸好有你這個鋼琴老師, 如果不是你時常三翻四次地提點我整首歌演奏的技巧, 那裡要大聲, 那裡要細聲, 整首歌要好像操兵的拍子, 彈的時候好像操兵一樣, 結尾要起手要靚一點, 我真的有照著做, 評判宣佈結果前, 亦有講你所教我的彈法, 又一次証明, 我沒有跟錯老師, 今次我能夠拿到亞軍, 我知道沒有你我一定拿不到, 所以我真的非常感恩, 有幸做你的學生.所以這個亞軍也屬於你的.


 


    好啦,就整個佢鍾意食嘅朱古力蛋糕同佢慶祝啦!







可可雪芳蛋糕


 


材料:


低筋麵粉   45
可可粉     30
泡打粉    1 /2 茶匙
蛋白  5
他他粉     1
蛋黃   3

    80
橄欖油     30 毫升

    60 毫升


 


- 麵粉、可可粉同泡打粉混合,過篩 3 次;他他粉加入蛋白內混合好。



-
用電動打蛋器將蛋白打至起泡,分 3 次加入 60 糖,打至 8 成企身。



-
將打好嘅蛋白霜放入雪櫃內保存。



-
蛋黃打散,加入剩餘嘅 20 糖拌勻,之後加橄欖油同水混合好。



-
將粉類加入蛋黃混合物內,用打蛋器均勻攪拌成麵糊。



-
1 / 3 份蛋白霜加入麵糊內拌勻,然後將剩餘嘅蛋白霜加入,用膠刮輕手拌勻。



-
將麵糊倒入模內,放入已預熱至 180 °C 嘅焗爐內焗約 30 分鐘。



-
出爐後立即將蛋糕模倒扣,攤凍後即可脫模。


 


 


裝飾


 


材料:


甜忌廉     140
櫻桃酒     1 茶匙

酒漬櫻桃   適量
朱古力碎   適量


 


- 甜忌廉用電動打蛋器打至 9 成企身,之後加入櫻桃酒拌勻,備用。



-
蛋糕上下切開兩份,將少量甜忌廉抹喺下層蛋糕面,放上適量酒漬櫻桃。



-
於櫻桃上面再抹上適量甜忌廉,然後將上層蛋糕放上。



-
將剩餘嘅忌廉抹上蛋糕表面,再灑上適量朱古力碎即成。




以上材料份量可做直徑 17 厘米蛋糕一個。






整黑森林有度好,就係即使抆 cream 抆得唔好,都有朱古力碎遮醜!





黑森林蛋糕簡直係蛋糕中嘅經典。





Ryan 一個鼓勵,希望佢繼續努力學好鋼琴!





叫埋妹妹 Rylie 一齊影相先!妹妹大個咗好多,依家好識擺 pose 影相呀!






Notes


- 由於可可粉會令到蛋白霜消泡,所以加入他他粉以增強蛋白霜嘅穩定性。



-
他他粉用量參考:每 5 隻蛋白就加 1 他他粉。



-
可可粉亦同時會影響到麵糊膨脹,因此加入泡打粉幫助膨脹。



-
如果用淡忌廉代替甜忌廉的話,需額外加人 15 - 20 糖打發。


 


 


P.S.  上年三個學生比賽,三個都攞個 哽頸四返嚟,今年都有三個學生比賽,三個都不約而同拎到第二名,照咁推斷,下年應該都有三個學生比賽,三個都拎到冠軍,yeah!!!  ( 發夢 -ing )


7 則留言:

  1. 關老師~~你就開心.喇...個学生咁叻! 你功不可沒哦!
    [版主回覆04/26/2012 12:17:05]咁呢層其實都要雙方願意付出至得哦!查實我整呢個蛋糕都係一啖砂糖一啖屎囉! 因為我同佢上堂係勁惡o架,仲要拎埋雞毛掃先至攪得佢掂,咁佢依家知道一分耕耘一分收穫,又專登發文道謝,我都識做嘅!

    回覆刪除
  2. 土耳其他他 - TATA2012年4月26日 下午2:51

    一分耕耘一分收穫, 大家都用心付出, 有成績自然開心啦, 係值得慶祝!
    個蛋糕好吸引呀~
    [版主回覆04/27/2012 22:48:14]無錯,雙方都要付出先可以有成果!
    多謝妳欣賞個蛋糕呀!

    回覆刪除
  3. 呢篇係咪好耐前既事啦.為人師表, 仲有咩開心得過有學生生性得到成績呀
    [版主回覆04/28/2012 14:26:21]死嘢,妳自己病好喇,咪拖埋我落水同妳一齊病,得鬼閒做妳病友呀!!
    [毛豆回覆04/28/2012 00:04:27]哦..可能我記錯左...好似好耐前都見你學生同個蛋糕影既...你知啦....病友係咁架啦
    [版主回覆04/27/2012 22:52:57]點解咁講呀?個蛋糕早幾日先整咋喎!
    學生有好成績我都唔係太興奮,最重要係 Ryan 佢識欣賞我之餘,仲每次考試或比賽過後都會打篇道謝詞,真係勁窩心囉!
    係呀,妹妹真係超得意可愛呀,雖然只得兩歲人仔,但已經好叻講說話,仲識得整OK手勢加黑超影相o添呀!放學返到屋企仲識嗌我 "關sir" o添呀,勁cute!

    回覆刪除
  4. 做老師最開心係睇到學生有好成績
    個小妹妹表情多多好得意呀
    [版主回覆04/27/2012 22:54:09]係o架,見到學生有好成績咪知道自己無白費心機囉!
    哈哈,果然妹妹好吸引人喎!

    回覆刪除
  5. 學生仔咁受教,師長梗開心
    [版主回覆04/28/2012 14:24:13]查實佢係極難教至真囉,每次都係臨急抱佛腳,但佢又真係勁聰明醒目,所以即使各方面都懶人好多,但最終成績就高人好多,我同佢媽咪都懷疑佢係資優!
    黑森林勁正啦!

    回覆刪除
  6. 緊張大師-小女人2012年4月29日 上午9:21

    有你呢個好老師幸福還有美味蛋糕吃......正呀.你呢個係咪六寸模呀請問?
    [版主回覆04/30/2012 11:50:45]唔駛客氣!
    「二記」都有得賣呀,不過貴啲囉!
    [緊張大師-小女人回覆04/30/2012 11:42:10]所以你的學生有福氣,有個咁好既老師,,,,,超無得彈呀,好呀我去JUSCO睇睇先.謝謝
    [版主回覆04/30/2012 00:21:57]係囉,學生得獎居然唔係佢請老師食嘢,係老師整嘢俾佢食!!
    應該得5 吋半咋,個模喺「JUSCO $10 店」買!

    回覆刪除
  7. 依家攞奬比以前難好多, 一場幾十人, 獎又得3幾個 ! Ryan 同老師一樣咁叻 !
    [版主回覆04/30/2012 00:20:06]以前比賽無咁多人嗎?我好少出席,所以唔清楚。
    多謝妳呀!

    回覆刪除