2014年5月28日星期三

乜咁重禮呀!!

        人與人相處有時候真係好奇妙,估唔到喺個虛擬世界度都可以識到好朋友!
 
       自從開始寫 blog 之後就識咗好多 blog 友,當中當然有啲係比較熟落又傾得埋啦!大部份識 blog 友都係喺香港,但都好少會約出嚟見面,試過有個仲見都未見過就已經嗌交收場,仲無朋友做㖭!反而我同妳隔咗個太平洋,仲一直保持聯絡,就算妳近排出番嚟做嘢,又要返工、又要打理頭家而無時間寫 blog,我哋私底下都有電郵通訊,保持到呢份友情真係好難得!
 
        妳實在太客氣喇,我都唔係幫到妳啲乜,只係舉手之勞,自己攪掂完就順手幫埋妳啫,都唔算得上話係幫到妳一個大忙!妳趁大少返港就叫佢帶咁多手信俾我,真係超感動哦!真係講都唔信,其實大家都未曾見過面,妳真係好有心呢!!
 
無論係份量同重量都好重手呀,而且樣樣都係我用得著,妳真係有心思!






紅莓乾我不嬲都有買嚟整西點,但呢隻石榴汁紅莓乾
都係第一次見。罐頭吞拿魚又係必定會放屋企
看門口,呢罐三文魚就更加正啦!





呢樽雲呢嗱濃縮液就更加厲害,係妳再三要求問我有咩
想要之下,我先叫妳買,因為知道淨係美加
有得賣,比較有特色,點知妳回我電郵
時話一早已經買咗俾我,仲話
自己都唔得㖭,呢係咪
就係心有靈犀呀,哈哈!






呢隻美國朱古力,以前我就好怕食,因為覺得甜到離哂譜,
但自從媽咪病發後,唔知點解自己就變得越食越甜,
依家再食呢隻朱古力就覺得甜度啱啱好,
唔知係因為我食得好甜定係呢隻
朱古力依家減糖製做呢!?
 
 
 
 
 
        Motonako.A,好多謝妳咁有我心呀,等妳帶埋少爺仔同大小姐返港時見面呀!!

12 則留言:

  1. 回覆
    1. 無錯,緣份呢樣嘢真係可遇不可求哦!

      刪除
  2. 大哥, 你無絛件的丈義幫忙...我這小小意思算得乜嘢吖!
    人與人之間就係咁奇妙...珍惜彼此的這份友誼呢!!!
    期待你繼續整多些美食跟大家分享呢!

    回覆刪除
    回覆
    1. 大姐,妳咁都算小小意思!?我只係順手幫埋妳,呢樣就真係小事喇,我又點可以要求任何條件呢!

      我都期待住妳快啲寫番 blog 同大家分享生活呀!

      刪除
  3. 所以做朋友真係講緣份,你地真係心有靈犀~~

    回覆刪除
    回覆
    1. 無錯,朋友真係唔係話想要就有哦!

      刪除