2014年5月4日星期日

原味鬆餅食譜 Basic Muffin Recipe

        如果你係由 Yahoo Blog 睇到依家 Google Blog 的話,可能你都會留意到我都會經常整 muffin,而且都曾經整過好多款式,但其實都係萬變不離其中,我一直大部份時間都係 base on 同一個 muffin recipe,然後再加加減減,又或者更改部份材料而做出不同口味。
 
        上次 Winnie 試過個焦糖蘋果鬆餅之後,佢都話味道唔錯,連一直都唔多鍾意食 muffin嘅佢都專登打電話問我點解個 blog 搵唔到個食譜,咁之唔係因為我懶無寫囉,哈哈!!
 
        所以我就諗,不如將我一直用開 basic muffin recipe 同大家分享啦,之後大家就可以 base on 呢個 recipe 嚟做出自己喜愛嘅口味哦!
 
 

材料:
低筋麵粉      250
泡打粉          2 茶匙

                 1/2 茶匙
                 80
雞蛋              2

橄欖油          90
乳酪             100

- 粉類過篩 3 次;將所有乾料放入兜內混合好;全部濕料攪拌均勻。

- 將濕料倒入乾料內,用膠刮快手攪拌均勻。

- 將麵糊勺入模內,放入已預熱至 200 ℃ 嘅焗爐內,焗約 20 分鐘即成。
 
以上材料份量可做鬆餅 10 個。
 
 
呢次我就加咗 pecan 果仁同糖漬雜果皮落去整。





呢個 basic recipe 真係唔錯㗎,成品做出
一定夠鬆,而且表面仲爆得好靚㖭!





Notes
-
食譜中嘅乳酪可以改用牛奶、水或其他果汁,但用乳酪係最理想,因為酸性物質會有
  助泡打粉發揮膨鬆作用,令鬆餅麵糊發得更高更鬆,所以 buttermilk 亦都係唔錯嘅選擇。

- 混合乾濕材料時,必須將濕材料倒入乾材料內混合,我自己就試過幾次將步驟掉轉,
  乾材料倒入濕材料內,效果唔多理想,質地唔夠鬆,比較實。

- 用膠刮攪拌混合材料時,必須快手及輕手,毋需完全混合至一點點粉粒都見唔到,因
  為麵糊攪得太耐的話就會產生筋性,成品質地就唔會鬆軟。

- 大家亦可用電動打蛋器嚟攪拌麵糊,比較容易做到鬆軟效果,因為打蛋器轉動速度比
  人手快,可以縮短攪拌時間,以免產生筋性,當所有材料大致混合好就要即刻停機。

17 則留言:

  1. 你D鬆餅食譜真係無得彈^^

    回覆刪除
    回覆
    1. 有無咁犀利呀?妳太誇張我喇!^^

      刪除
  2. 謝謝無私分享呢!覺得鬆餅好難,等我假期試整一次先^^

    回覆刪除
    回覆
    1. 唔好客氣啦!

      其實真係唔太難,只要掌握好我以上提及嘅要點,一定可以做到鬆軟 muffin 呀!

      預祝成功!

      刪除
  3. 我都係次次雪芳和muffin, 不過配料有很多不同變化。

    回覆刪除
    回覆
    1. 係呀,我最鍾意就係咁,用一個簡單食譜就可以變化出唔同款式口味,好方便呢!

      刪除
  4. Hello, 想請教下,我用左你之前一篇食譜教既豆漿整,其實係澎漲到,但就好似好乾身咁,其實係咩原因?或者有咩方法可以整得濕潤d, thanks muffin 大師^^

    回覆刪除
    回覆
    1. 係咪用乳酪,入面就會濕潤d? 用豆漿會裡面係乾身d?

      刪除
    2. Hey Karen,一直都唔知道妳曾經有留言俾我,因為無任何電郵通知,攪到差唔多一年後先覆番妳,真係超唔好意思哦!! #:-S

      我估應該係入爐焗嘅時間太長,過多水份蒸發,導致比較乾身,其實所有食譜所提到嘅爐溫同時間都只可以作為參考,因為唔同牌子、唔同容量嘅焗爐都會有不同爐溫差別,所以一定要熟悉自己個焗爐嘅效能,從而作出相應調節。

      至於豆漿 / 乳酪問題,應該唔關事,用豆漿整跟用水、牛奶或果汁效果一樣,但用乳酪就多份酸性物質,引發化學反應,令到膨脹效果更加好,令到成品口感更加鬆軟,跟乾與濕無直接關係。

      再一次講聲 sorry,真係唔好意思咁遲先回覆妳,請見諒!

      刪除
  5. 我想問係咪要用原味乳酪,其他味得唔得?

    回覆刪除
    回覆
    1. 唔係,任何乳酪都得㗎,只不過用原味乳酪整的話就唔會影響成品味道啫!

      其實有好多 vegan 素食者會加醋落去麵糊度一齊整。

      刪除
    2. 此留言已被作者移除。

      刪除
    3. 此留言已被作者移除。

      刪除
    4. Rachel,妳成功整到呀?恭喜妳呀!! ^^

      其實我覺得咁多種西點中,muffin 係最簡單快捷兼易整呀!

      刪除
  6. 謝謝你的分享, 好詳細, 但我已跟足程序同份量, 但焗完後個面燶咗, 裏面無問題, 我個焗爐係上下發熱線的, 是否要改做只是用下發熱線, 謝謝幇忙

    回覆刪除
    回覆
    1. Hi Cliff,你唔使咁客氣呢!

      我估應該係爐溫太高吧!因為其實每個焗爐啲溫度都會有一定偏差,有啲會比預定溫度略高,有啲就剛好相反,實質溫度偏低,如果你唔介意的話,可以買一個入爐溫度計,check 吓預定溫度跟實際溫度相差幾多,然後再作調整。若果唔想買的話,你亦可以自行測試、實驗,每次都用不同溫度去焗,搵出最適合的實際爐溫。再懶啲的話,就不如嘗試焗到表面金黃後再蓋上錫紙,避免表面焗燶,但千祈唔好只用下發熱線,因為爐溫一定會唔夠高,熱力被焗盤阻隔而未能將上層空氣完全加熱至所選溫度,到時可能變成底已熟但頂仍未熟嘅情況。

      希望少少建議能幫到你解決問題。

      刪除