拍黃瓜

        天氣一下子就熱到天文台要發出酷熱警告，涼拌菜式係時候要出籠喇！咁多種涼拌菜中，拍黃瓜算係簡單易做又好味！

 

 

咁熱嘅天氣，食青瓜菜式至啱，不單只口感爽脆，仲有種清新氣息！

 

 

 

 

 

 

通常都係拍爛哂啲青瓜先至去瓤，但我自己就覺得咁樣做

同喺瓦礫堆中搵生還者無乜分別，所以我會先將青瓜

開邊、去瓤，之後先放入保鮮袋裡面拍爛。

一碟無油鹽水灼西生菜，加碟拍黃瓜，我呢個晚餐都應該會

嚇嚫唔少人，唔好話係食肉獸，就算係少肉多菜嘅人

都未必接受到，肯定覺得又寡又單調！因為我

一向都食得清淡，所以呢碟拍黃瓜對我

嚟講已經係好油、好濃味，加一碟

無油清甜西生菜就最夾！

 

 

 

 

 

拍黃瓜做法，可參考《拍黃瓜木耳涼拌粉皮》。