椰香焦糖醬 Coconut Caramel Sauce

        好耐之前都已經整過一次焦糖醬，但係覺得味道好難食，奶味好重，食到反哂胃！我本身其實係幾鍾意焦糖味道，有焦糖香之餘又唔會太甜，所以今日又再試過整多次個焦糖醬，不過今次就改用椰漿代替淡忌廉，印象即刻改觀呀！

 

 

材料：
椰漿      165 毫升
糖         165 克
水          50 毫升

- 椰漿倒入煲內加熱至滾起，盛起備用。

- 糖加水倒入煲內煮成淺啡色焦糖。

- 煮好後熄火，將熱椰漿逐少倒入焦糖內，邊倒邊攪拌。

- 將焦糖醬倒入已消毒玻璃樽內儲存。

 

 

 

對我嚟講，呢個做法好味好多，香甜又無

奶臊味，好似食緊椰子糖哦！

一個玻璃樽都裝唔哂，剩低嗰啲就用嚟伴 pancake 食，唔只咁呀，

個煲其實仲黏住好多焦糖醬，加少少熱水將佢溶解，之後

就用嚟沖咖啡，就可以做出一杯焦糖咖啡呀！

 

 

 

 

 

Notes：
- 要消毒玻璃樽，請參考《玻璃樽消毒方法》。

 

- 165 毫升椰漿剛好等於一罐細椰漿嘅份量。
 

- 煮焦糖時，記得邊煮邊搖動煲身，以令糖漿均勻受熱，切忌攪拌，否則容易出現結晶或反
  砂情況。

- 當熱椰漿倒入焦糖漿時要加倍小心，因為糖漿非常高溫，如果一次過大量加入的話，所有

  液體必定會即時湧出煲外，容易燙傷。