2014年5月14日星期三

焦糖咖啡布甸

        真係慘,人家飲咖啡係一種享受,係 歎杯咖啡,而我就好多時為止頭痛而飲,仲攪到依家中埋咖啡毒,唔飲唔得,做成依賴,如果嗰日無咖啡因喺體內的話,成日都會頭痛不止,直到飲杯咖啡落肚先可以解決問題,所以好多時候根本唔想飲咖啡都要夾硬整杯落肚,以免頭痛加劇,影響工作!不過好彩,近排好似好少少,間唔中都可以全日一杯都唔飲,但都真係一日咁多,第二日瞓醒未落床,睜開眼都已經 feel 到個頭又試怪怪哋,試過有次好叻,連續兩日都唔使飲,點知到第三日就慘囉,個頭痛到爆!!!

       無飲咖啡嘅日子,未必真係頂得到全日,有時到夜晚十一、二點就開始嚟料,第三餐都未食就已經發作,但係無理由咁夜仲走去沖杯咖啡嚟飲㗎!其他人係點我就唔知喇,但對我嚟講,因為缺乏咖啡因而頭痛的話,食止痛藥都完全無用,一定要有咖啡因落肚,咁點算好呢!?


 
 
等我嘗試一下用咖啡布甸作為飯後甜品,睇吓有無
作用,起碼臨瞓前唔使飲成杯咖啡咁誇張嘛!




食譜可參閱《咖啡布甸》。

8 則留言:

  1. 咖啡甜品我最鍾意, 好smooth 很香。 睇到我都想食。

    回覆刪除
  2. 係咪心理作用咋..不過一日一杯咖啡唔係太過份啫 好過頭痛吖~ 我都好耐好耐冇飲咖啡喇
    咖啡布甸正呀 好滑好濃咁

    回覆刪除
    回覆
    1. 唔係呀,好多時痛起上嚟先記得嗰日未飲咖啡!

      因為我唔飲奶,所以只係齋啡加糖,但其實飲咖啡最好係加埋奶,因為咖啡係利尿去水,會同時帶走體內嘅鈣,所以有奶的話就可以補充番鈣質,我如果日日飲一杯的話,真係會骨都脆呀!

      呢個咖啡布甸好濃咖啡味呀!

      刪除
  3. 我也是中了咖啡毒...
    但我只限自己一天一杯,
    有時唔飲會好似未瞓醒咁,成個人冇晒電...0.o

    回覆刪除
    回覆
    1. 原來妳都係咁呀!但妳都好啲呀,只係個人謝哂,起碼無頭痛嘛,頭痛起上嚟真係好難頂㗎!!

      我之前都完全唔知有呢回事,只係怕飲得多會傷身,所以最多都只係隔日一杯,但估唔到早排頭痛加劇,幾乎日日都要飲之後就中咗毒喇!

      刪除
  4. 噢, 咁嚴重! 咁唯有飲住先, 慢慢減, 又或者, 唔關咖啡事..... 我都喜歡飲吓啡, 但飲又得唔飲又得, 只係飲左手指會微抖, 做icing前唔飲得.

    回覆刪除
    回覆
    1. 依家試緊隔日唔飲都還可以撐到一日,但好多時臨瞓前就嚟料,瞓醒第二朝個頭都一樣唔多自在!

      可能你飲開隻牌子比較重咖啡因,有無試過飲低咖啡因或無咖啡因咖啡?會唔會無手震呢?

      刪除