2014年7月24日星期四

試做甘酒

        有無聽過甘酒呢樣嘢?我之前都唔知有呢樣嘢,都係睇《不使用砂糖的自然派 sweet 甜點》一書介紹先知!書內所有食譜都唔用雞蛋同奶類製品之外,就連精製糖同蜂蜜都唔會用,甘酒就係其中一種書中推介天然甜味料。

        其實書中都有教到點樣自製甘酒,但我一直都無整到,係因為呢本食譜內的材料份量,好多時都用容量而唔用重量去做單位,例如一杯麵粉、半杯油、1/4 杯糖等,我自己就好唔鍾意呢種計算用料方法,覺得準成度唔夠準確,而且我自己又無 ,所以一直都無諗過試整。

        直到最近, Youtube 度睇番日本型仔廚師啲舊片,發覺原來佢都有分享點整甘酒,不單只有 video 跟住學,清楚睇到整過製作過程同成品樣貌之外,最重要係用「克」去表達用量,對我嚟講就 user friendly 好多,所以我都起心去試整喇!


甘酒原本係用米麴發酵而成,但係米麴唔易買到,就問
型仔廚師用紅麴代替得唔得,佢話佢自己未試過,
不過照計應該得,因為都係麴菌,所以我就
咗包紅麴嚟整,結果係 …… 成功!!







呢個係將剛煮好嘅飯混入紅麴,未發酵之前嘅狀態。







發酵好嘅成品其實同中國傳統釀造糯米酒時剩底嘅紅糟都差唔多,
原本味道都應該唔錯,唔會太甜,不過最衰就係紅麴用得
多時就會有啲苦澀味囉!等我米麴時再整多
到時先再同大家分享食譜啦。







朝早食第一餐時,加一大羹紅麴甘酒落麥皮度
一齊食,真係可以完全唔使落糖呀!







我仲用咗佢嚟代替糖去整麵㖭!麵包一樣發酵得到,
食落口又唔覺有明顯甜味。用紅麴去整甘酒另一
唔好處,就係乜鬼都會變成紅色囉!!



4 則留言:

  1. 我無聽甘洒呢樣野,今次第一次聽^^

    回覆刪除
  2. 回覆
    1. 我煮南乳齋同無錫排骨就會用紅麴。

      妳整麵包、蛋糕都可以用呀!整 velvet cake 啦!

      刪除