2012年4月28日星期六

豆渣多士 Soy Bean Dreg Toast

    每年佛誕都必定會去浴佛,但係見噚日咁鬼大雨,諗住今日都唔出街喇,喺屋企自己做早課算數,所以就 plan 咗今日整包。點知無落雨不特只,搓搓吓麵糰時仲勁猛太陽 o添,咁整得包就行唔開 o架啦,激死!見咁好太陽,之前又落咗咁多日雨,唔好嘥咗啲陽光,即刻開機洗床單,咁都無我匿喺屋企唔出街。



 



    整完豆漿就自然有大量黃豆渣剩低 o架啦!今日就用佢嚟整麵包,即刻清咗唔少豆渣呀!









材料:
高筋麵粉   238
豆渣   80
    20
    4
即用酵母
  5
湯種
  78
    100 毫升

橄欖油     10



- 除橄欖油外,所有材料放入食物處理器內攪拌成麵糰,之後加入橄欖油搓勻。




-
拎出麵糰,放上已灑粉嘅枱上,繼續搓揉及摔打成光滑麵糰。




-
將麵糰滾圓,放入已灑粉嘅兜內,用保鮮紙包好,發酵 45 分鐘。




-
將麵糰排氣,平均分割成 3 份後再次滾圓,鬆弛 15 分鐘。




-
再次排氣,之後將麵糰分別捲起,放入多士模內,發酵至多士模嘅九成滿。




-
放入已預熱至 170 °C 嘅焗爐內焗 40 分鐘。




-
出爐後立即脫模並移到架上放涼。



 



以上材料份量可做 450






都唔知點解,每次發酵到一個鐘後,個麵糰就好似點咗穴咁,郁都唔郁,
再發多半個鐘個
size 都無乜點變,所以要整到頂角方包都真係幾難!





個包矮就矮咗啲,不過都焗得幾靚 o架!





包質非常好,老竇話個包煙煙韌韌,有少少彈牙 feel
呢個正正就係湯種
嘅特色。








Notes
- 豆渣可用現成品,亦可用自製豆漿後剩低嘅豆渣,但必須要預先煮熟,詳細資料請參考
  《
豆渣處理及保存方法
》。


-
請參照湯種白麵包多士製作湯種。


-
由於加入豆渣之後麵糰會變得較濕,所以要視乎實際情況調節水及油用量,而且搓麵糰時要
  不時加入適量手粉,以免過於黏手。


-
麵糰捲起做形方法與白麵包多士做法大緻相同。

16 則留言:

  1. 嘩..乜咁多出品呀...可以利用豆渣真係唔錯呀..唔浪費仲好健康添...食落係咪好濃豆味呢,係就正啦.
    發唔起係咪落得酵母少呀..可以試7g囉...
    我又有問題了: 之前你話睇譜用邊隻酵母 , 但如果唔同譜用唔同既, 咁唔通要買齊咁多款呀?總之呢個酵母問題對我係多多都有得疑問囉...搞極都好似外太空野咁高深呀...之唔係到家下我都未夠膽去搭條筋囉
    [版主回覆04/29/2012 00:35:25]可惜食落無豆香味囉!因為大部份味道都去哂豆漿度lu,所以用豆漿代替水整包包就會濃味喇!依家最主要係唔浪費豆渣之餘,仲為麵包增加營養。
    但係我記得酵母係唔可以落過量o架喎!
    我通常都唔會理咁多,全部都淨係會用即用酵母,所以上次咪叫妳參考嗰篇不同種類酵母重量互換計算方法囉!其實妳跟足食譜整咪得囉,毋需攪到咁煩啦!

    回覆刪除
  2. 好似幾好味。
    [版主回覆04/29/2012 00:27:18]唔係好似,係真係好好食o架!

    回覆刪除
  3. Mmmmmmm
    [Motonako.A回覆05/08/2012 14:37:44]唔識整乜種物種呢!!!
    [版主回覆04/30/2012 00:09:57]幾時到妳整包包呀?

    回覆刪除
  4. 緊張大師-小女人2012年4月29日 上午9:16

    我出了去浴佛吃素了,我知一定不會下雨,雖早上我家好大雨但當我出門開始細啦,但起碼有麵包食喎.
    [緊張大師-小女人回覆05/02/2012 07:45:00]吓,咁好有個觀音,暢懷法師係咪台灣那位悉暢懷法師呀.好幸福呀,但屯門我無乜點入去
    [版主回覆04/30/2012 11:56:10]我自己住屯門,行出去蝴蝶灣就有個望海觀音,每年暢懷法師都會入嚟主持儀式o架!
    [緊張大師-小女人回覆04/30/2012 11:45:44]無去睇呀,只去了惠泉寺浴佛食素便回家,太遠有點累不可以行太多.,今年去唔到出年去啦.你平日會去邊浴佛架?
    [版主回覆04/30/2012 00:11:35]哈哈,咁妳唔係貴人喇!
    係有包包食,不過錯失一年一次嘅浴佛囉!
    咁妳有冇去到睇佛骨舍利呀?

    回覆刪除
  5. 今日天氣仲有兩呀,而家都出唔到門口
    [版主回覆04/30/2012 11:43:52]運運場道即係近邊度呢?
    [MOONmoon 如月回覆04/30/2012 06:26:33]佢二月搬咗,當時話三月會搬返去運動場道,不過我搵過一次都搵唔到,如果你見到話我知吖
    [版主回覆04/30/2012 00:09:40]呢幾日天氣都好唔穩定!
    我今日行過旺角花墟,好似無咗妳之前講嗰間缸瓦舖喇!

    回覆刪除
  6. 好有營養又健康既豆渣飽⋯你咁善用物資
    [版主回覆04/30/2012 00:08:24]或者妳可以話我係孤寒囉!

    回覆刪除
  7. 睇得出好有質感, 又健康!
    [版主回覆04/30/2012 00:06:55]係呀,又健康,又唔浪費食材!

    回覆刪除
  8. 見到你呢個豆渣包真好, 我尋晚做咗次豆漿, 諗緊d豆渣可以點, 我下次做完豆漿都要試下做你呢個包包先. tks!!
    頂唔到角可能係食譜份量唔夠大, 可以試下加大個食譜, 我用270g高粉+92湯種做450g模, 都未夠頂到角, 所以下次試下350g高粉+120湯種睇下做唔做到頂角 ^.^
    [版主回覆04/30/2012 00:51:30]妳喺我個blog度search "豆渣" 呀,我之前整過好多用豆渣整嘅食物呀!
    咁都得!?咁咪即係啲食譜呃人!!!
    唔該哂妳呀,仲要多謝妳o添!

    回覆刪除
  9. 好軟熟咁喎
    [版主回覆04/30/2012 11:44:34]軟熟之中帶點煙韌,湯種包質好特別啊!

    回覆刪除
  10. 時雨時晴真係麻煩
    [版主回覆05/28/2012 02:29:20]香港夏天就係咁煩!

    回覆刪除
  11. http://www.facebook.com/#!/happyfish123com
    ~~搬家啦~~
    [版主回覆05/28/2012 02:31:52]新居入伙,可喜可賀呀!

    回覆刪除
  12. 我都好耐無整過豆漿啦,用豆漿機整個D根本唔夠豆味,所以部放左係度好耐無再用...可能真係要跟你既方法整下先得...
    [版主回覆05/28/2012 02:30:25]用機整會無咁重豆味!?

    回覆刪除
  13. 好忙咩????????
    [版主回覆06/05/2012 12:28:31]Thanks 緊張大師 !
    [緊張大師-小女人回覆05/28/2012 09:42:48]明白,保重
    [版主回覆05/28/2012 02:28:49]唉,唔好提喇!

    回覆刪除
  14. 緊張大師-小女人2012年5月9日 上午7:41

    你一定好忙啦,保重
    [版主回覆05/28/2012 02:28:30]多謝關心!

    回覆刪除

  15. [版主回覆05/28/2012 02:27:25]Hi!!

    回覆刪除
  16. 緊張大師-小女人2012年5月24日 上午8:23

    你好忙?你好忙呀,好好保重.
    [版主回覆05/28/2012 02:27:02]唉,唔好提喇!

    回覆刪除