博多屋豆乳

        星期二果日喺 Louisa 屋企真係又食又拎，佢買咗三文魚刺身啦、三文魚壽司，仲有豆漿 o添，佢仲專登買多一樽俾我拎番屋企飲呀！

嗱，就係呢樽博多屋豆乳喇！

 

        呢隻豆漿好好飲 o架，好重豆味，非常香濃，拍得住我上次整果啲芝麻黑豆漿咁濃呀！嗱、嗱、嗱，唔好以為我自己讚自己，賣花讚花香呀，其實係因為上次我整黑豆漿時煲乾咗水，所以攪到啲豆漿比較濃，咪變得特別好飲囉！不過 Louisa 同 Frankie 都真係讚好飲嘅。

 

噚日朝早我就將啲豆漿 "叮" 番熱，加埋一個自家出品嘅
裸麥包，就係我嘅一份營養早餐喇！