新鮮有機唐生菜 & 佛手瓜

        前幾日，老豆又喺農場度攞咗啲唐生菜同佛手瓜返嚟：

啲生菜真係好靚，又新鮮又翠綠。

 

啲佛手瓜好得意呀，個個都好細個，你睇，啲 Q 版佛手瓜
仲細過我隻手掌呀！

 

        老豆話，啲佛手瓜好嫩，唔駛批皮、唔駛切核，就咁切開就可以煮得啦，所以我就簡簡單單咁用少少薑片、蒜茸清炒就算，要食出真味嘛！至於生菜就用嚟滾湯，整咗生菜鯪魚肉湯。

        生菜好爽、好滑，仲好清甜 o添！至於佛手瓜，果然好嫩，不過就比想像中無咁甜喎！