無心插柳柳成蔭

        之前喺 blog 友 A moon 個 blog 度睇到佢上咗大師 Johnny 嘅蛋糕課，之後同佢傾開關於 Johnny 嘅嘢，仲俾咗香港電台好耐之前一個叫做《闖出我未來》嘅電視節目條 link 佢，個節目係拍攝 Johnny 去法國參加一個享負盛名嘅糕餅比賽，同大師交流之外，順道取經，將新嘅 idea 帶返香港，叫 A moon 有時間就睇吓啦！

        點知咁啱 Johnny 又路經 A moon 個 blog，知道原來港台無刪除到段片，佢都好開心段片可以 "重見天日"，仲喺佢自己個 blog 度專登多謝我 o添！嘩，我真係受之有愧喎！！！因為我真係純粹出於便心，等 A moon 可以睇到大師參加果個大賽實況，都無做過啲咩，點知就無心插柳，先幫到 Johnny 咋！所以我都想喺度同 Johnny 講聲，真係唔好太客氣！

        媽咪都曾經講過，如果只係做小小嘢就可以令到人開心，何樂而不為呢！今次我真係深深體會到，因為我覺得我自己根本乜都無做過兼無出過力，都可以令到人開心，呵呵！