2009年11月11日星期三

無心插柳柳成蔭

        之前blog 友 A moon 個 blog 度睇到佢上咗大師 Johnny 嘅蛋糕課,之後同佢傾開關於 Johnny 嘢,仲俾咗香港電台好耐之前一個叫做《闖出我未來》嘅電視節目條 link 佢,個節目係拍攝 Johnny 去法國參加一個享負盛名嘅糕餅比賽,同大師交流之外,順道取經,將新 idea 帶返香港,叫 A moon 有時間就睇吓啦!

        點知咁Johnny 又路經 A moon 個 blog,知道原來港台無刪除到段片,佢都好開心段片可以 "重見天日",仲喺佢自己個 blog 度專登多謝我 o添!嘩,我真係受之有愧喎!!!因為我真係純粹出於便心,等 A moon 可以睇到大師參加果個大賽實況,都無做過啲咩,點知就無心插柳,先幫到 Johnny 咋!所以我都想喺度同 Johnny 講聲,真係唔好太客氣!


        媽咪都曾經講過,如果只係做小小嘢就可以令到人開心,何樂而不為呢!今次我真係深深體會到,因為我覺得我自己根本乜都無做過兼無出過力,都可以令到人開心,呵呵!


1 則留言:

  1. 造化, 造化. 我都好開心可以睇到呢段片.
    [版主回覆11/14/2009 00:39:00]        咁我都好開心你係知音人!

    回覆刪除