2011年8月22日星期一

海鮮柚子沙律

        原來入夏咁耐,今次先第一次同大家分享冷盤涼菜食譜!


        今晚呢個沙律又係清存貨嘅製作,用埋放冰格啲蜆肉;清埋之前整四川擔擔麵時買落嘅乾蔥頭同磨碎花生;仲有放喺雪櫃 N嘅青檸!



材料:
魷魚
急凍帶子
急凍蜆肉
泰國金柚
乾蔥頭
紅辣椒
金不換
炒香花生碎


醃料:

紹酒
胡椒粉


沙律汁:
青檸
魚露


- 魷魚清除內臟及軟骨,撕去表面紫色薄膜,洗乾淨後切圈。


- 帶子、蜆肉解凍後洗乾淨,略為搾乾水份。


- 用醃料將魷魚、帶子同蜆肉醃 15 分鐘,之後分別放滾水內灼熟,盛起瀝乾水份。


- 金柚去皮後拆肉,撕碎成細粒;乾蔥頭去頭尾、去衣,切圈後用凍滾水浸 10
  鐘。


- 紅辣椒洗淨後切粒;金不換洗淨後取葉部份。


- 青檸搾汁,加入糖同魚露拌成沙律汁。


- 將所有材料放入大碗內混合,拌入沙律汁即成。


- 食時候再灑上花生碎。



柚子非常清甜又多汁,味道層次豐富,酸、甜、苦、辣、鹹共冶一爐。


 


 


難得 "無牙" 嘅老竇都讚魷魚好腍,夠鮮味,好好食,梗係啦,放落滾水,
一見佢鬈起就立即撈起,前後都唔知有冇一分鐘!
 


Notes
- 醃海鮮料時只需輕輕落少少鹽,因為海產本身已經有一定鹹味。


- 灼熟海鮮料時無需太長時間,約 1 - 2 分鐘即可,太耐會變得韌之餘,味道亦會全部
  溶於水內。


- 乾蔥頭用凍滾水浸過後可減低辛辣味道。


        你哋亦都可以喺 Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans


6 則留言:

  1. 好正好靚呀 呢個出去食好貴
    [版主回覆08/23/2011 14:37:00]        係呀,真係幾貴 o架!我試過有次約朋友去食飯,叫 咗個柚子沙律,比我呢碗細好多,都賣成廿幾三十蚊,最重要係味道唔好之餘, 啲柚子都幾乎無撕碎,一 嚿 嚿上碟,完全無誠意之作,間餐廳仲要係走中檔路線 o添,唉!!

    回覆刪除
  2. 實在實在.........太吸引我啦..........! 好想食啊! 
    [版主回覆08/23/2011 14:39:00]        唔駛流哂口水喎,可能呢個只係攝影高手 嘅掩眼法,食落口可能完 全無味!

    回覆刪除
  3. 厡來你是攝影高手, 我真喺有眼不識泰山囉!
    [版主回覆08/24/2011 16:57:00]        哈哈,我都想!不過可惜唔係囉,又無靚機,又無技術!

    回覆刪除
  4. 消暑佳品…要雪凍少少…
    [版主回覆08/24/2011 16:57:00]        係呀,所以晏晝就整定放雪櫃,夜晚食就夠哂凍喇!

    回覆刪除
  5. 好吸引.....但唔食得柚子哦!
    [版主回覆08/24/2011 16:58:00]         咁可惜呀?怕寒涼?

    回覆刪除
  6. 走蜆肉..大大碟..快...
    [版主回覆09/05/2011 18:49:00]        做乜要走蜆肉呀,咁正!?咁成碟帶子上啦,即到!

    回覆刪除