你哋知道個法文係咩意思嗎？查實個意思係玫瑰水肥皂 ( Rose Water Soap )。
真係無諗過自己都會有「Crabtree & Evenlyn」嘅產品，因為好多時經過店舖門口都會俾佢嘅香味嚇怕，可能係因為成間店貨品太多，所以味道特別濃烈，有時仲會聞到 "打乞嗤" o添！咁點解我都會有呢個 product 呢？查實係 Keith 送嘅禮物嚟 o架！
同 Keith 雖然已經識咗一段時間，但係星期一我哋先至係第一次見面。最初係喺 Rachel 個 blog 度識到 Keith 嘅，後尾發現原來大家都係演藝學院嘅校友，不過我係讀西樂，佢就讀中樂，所以大家都會有共同話題。直至到大約半年前度，大家喺 MSN 度傾傾吓，先發覺原來佢都識 Miss Cheng，Keith 當年嘅畢業 concert 就係由 Miss 幫佢做伴奏。我同 Keith 講起 Miss 最近開咗間音樂中心，問佢有無興趣上去睇睇，順便探吓 Miss，於是大家就約好咗星期一見面。
仔細咁睇清楚，原來盒面上嘅玫瑰圖案係 Keith 好鍾意嘅包心玫瑰呀！
放喺浴室都隱約聞到淡淡嘅玫瑰香，明符其實嘅滿室幽香。
諗番起上嚟，人與人之間嘅關係真係好奇妙，同 Keith 嘅關係由最初嘅 blog 友變成校友，由校友變成朋友，話唔定遲啲仲可能由朋友變成同事 o添呀，哈哈！
咁有緣嘅....仲有見面禮咁盞....
回覆刪除快啲剪彩喇....我都有用過....太香反而唔係咁鐘意呢！
[版主回覆08/10/2011 19:20:00] 係囉，又會真係咁有緣 嘅！ 我未必會剪彩喇，用 咗咁多年沐浴露，好似唔係好慣用番 梘，反而依家當香薰用都幾好，同埋可以睇到個咁靚 嘅包裝盒。
如果你唔用, 將佢放入衣櫃度, 次次開櫃都有陣香味, 又可以當香包防蟲...大大舊梘可以放好耐
回覆刪除[版主回覆08/16/2011 23:58:00] 會唔會困住 喺個衣櫃度會變 到好濃味呢？