大豆芽蜆肉豆腐麵豉湯

        麵豉湯一向都係我嘅至愛，所以間中都會煮嚟飲，今次我就用咗赤味噌嚟煮，所以色澤比較深。

材料：
赤味噌
豆腐
蜆肉
大豆芽
一番汁

- 蜆肉同大豆芽清洗乾淨，備用。

- 將一番汁煮熱，然後加入大豆芽，慢火繼續煲。

- 加入蜆肉，煮多一陣，就可以切豆腐粒落煲度。

- 最後加埋味噌，一煲番滾就要即刻熄火，唔好煲太耐。

Notes：
- 大豆芽係煮素高湯嘅重要材料，可以令湯更加鮮美。

- 味噌一定唔可以煲太耐，因為煲太耐就會變味，失去原有風味。