2009年11月24日星期二

經典薄荷朱古力蛋糕 Gâteau classique au chocolat à la menthe

        突然發覺,原來近排好少用朱古力嚟整嘢食,無整咁耐,好掛住個經典朱古力蛋糕呀,真係好好味 o架,百吃不厭,好鍾意佢超濃郁嘅朱古力味,試過嘅朋友都讚不絕口。

        好,就整番個嚟歎吓先! 不過今次比較特別,我特別用咗薄荷朱古力同薄荷酒嚟整呢個蛋糕。



 
材料:
薄荷朱古力     
 60克
牛油                 40克
蛋黃                 40克
蛋白                 80克
砂糖                 8
0克
低筋麵粉         10克
可可粉             30克
淡忌廉             30克
薄荷酒             1 湯匙
防潮糖霜         適量
薄荷葉             適量

- 牛油同朱古力放入微波爐內,以每次 "叮" 10 秒嚟溶解牛油同朱古力,之後拌勻,
  並重覆步驟直至所有牛油同朱古力完全溶化為止。

- 淡忌廉放入微波爐內 "叮" 約30秒,以加熱至人體體溫。
 
- 將其中 40 克糖加入蛋黃裡,坐熱水打至發白。

- 將朱古力牛油溶液、淡忌廉同薄荷酒一齊加入已打發好嘅蛋糊入面,混合好後再
  篩入麵粉可可粉,
拌勻。

- 蛋白打至起泡,然後分 3 次加埋剩低糖繼續打發,直至蛋白打
至企身成蛋白霜。

- 蛋白霜分 3 次加入麵糊中,拌勻。

- 將麵糊放入已預熱至 180°C 嘅焗爐內焗 25-30分鐘。

- 出爐後脫模攤凍。

- 最後灑上防潮糖霜,放上薄荷葉裝飾,完成。

以上材料份量可做一個 7 吋蛋糕。

食譜參考自 Vanlily  Banana Classic Chocolate Gateau。


今次用 Lindt 嘅薄荷黑朱古力同呢支 "古董" 葫蘆樽薄荷酒
嚟整呢個朱古力蛋糕呀!呢支酒可能大過我!







噢,出爐啦!今次焗得好成功噃,兩個都裂哂面、
收哂腰,仲裂到下陷yeah!

 




因為 Gordon 不嬲都鍾意食朱古力,所以今次特登
做多一個送俾佢同佢媽咪!

 




切開裡面,深色到乜都睇唔到,可想而知係幾咁濃嘅朱古力呢!
真係好食到每次食完都總係覺得唔夠喉! 


 

        今晚食緊呢個朱古力蛋糕時,Radio 4 啱播緊  "Wide Side Story Suite" 裡面嘅 "Maria " ,一路聽、一路食,突然間好有一種所謂 "好幸福" 嘅感覺,唔係誇張,真係笑住嚟食 o架!唔通真係食甜品會 feel 到好幸福!?

 


Notes:
- 若果蛋糕係裂面收腰,就係做得最理想、最完美。

- 若果大家真係跟足小弟個食譜做的話,記得要減糖呀,因為我唔記得啲薄荷酒都
  有甜味,唔記得減糖,所以甜過頭,不過可能就係要咁甜先感覺到幸福!

- Gâteau classique au chocolat  à la menthe (Fr.):Classic Mint Chocolate Cake



P.S.  今日雖然已經見番太陽,天氣暖番好多,但係,蛋糕焗好出爐時,只係放喺爐門上攤凍幾分鐘,就已經唔駛戴隔熱手套都可以拎得起,就算個焗盤都可以徒手拎住,究竟係我隻手耐熱呀,定係天氣仲係好凍,攪到喺爐內拎出嘢咁快降溫呀,定係凍到我隻手無乜知覺呢!?

6 則留言:

  1. 回覆
    1. 呢個問題都要睇番你自己嘅口味習慣同接受甜度而決定,好難講個確實數字俾你,你要自己試做幾次再搵出最適合自己口味嘅糖用量呢!

      刪除
  2. 回覆
    1. 無睇錯,係 10 克麵粉咋!就係因為咁少麵粉,撐唔起整個蛋糕,先會裂面兼收腰。

      刪除
  3. 回覆
    1. 唔使客氣,試完再話我知成唔成功啦! ^^

      刪除