自製豆漿 & 豆腐花

        一到夏天我就會煮豆漿，煮好之後就放入雪櫃，隨時都有冰涼豆漿飲。

        反正都係喇，煮多少少，用嚟試吓整豆腐花先！

豆漿

材料：
黃豆      160 克
清水      1 公升

- 黃豆洗乾淨，用清水浸過夜後，再用水沖洗至清澈無泡。

- 黃豆瀝乾水份，放入攪拌機內，加入清水攪打成豆漿。

- 豆漿隔渣，倒入煲內用中慢火煮滾，邊煮邊以木勺攪拌，徹底煮熟透即成。

- 飲用時依個人口味加糖即可。


豆腐花

豆漿          600 毫升

石膏粉      1/2 茶匙
粟粉          1 茶匙
清水          40 毫升

- 將石膏粉與粟粉拌勻，之後加水攪拌成粉漿。

- 將煲滾嘅熱豆漿撞入粉漿內，攪拌數下立即停手，用蓋冚好。

- 靜置約 20 分鐘至完全凝固即成豆腐花。

一杯冰凍豆漿，簡直係夏天解渴嘅不二之選。

 

豆腐花配以中式紅糖一齊食，夠哂傳統。

Notes：
- 請參考《自製豆漿煮法》要點。

- 煮豆漿時最好用一個較深嘅煲，因為煮熱後會產生大量泡沫，而且仲要記得邊煮邊
  攪拌，因為好易黐底。

- 整豆腐花時，當熱豆漿撞入粉漿內，攪拌後就不可再移動容器，否則不能凝固。