2011年6月29日星期三

菠蘿吞拿魚薄餅 Pineapple & Tuna Pizza

        每次喺餐廳食 pizza,我都一定會揀厚批底,因為食過一次薄批,覺得過份香口同比較乾身,完全唔係我杯茶,但其實薄批先至係正宗意大利風味。

        以前未識整包時,一直都以為薄批同厚批嘅整法,分別在於將麵糰擀薄與否,但睇過食譜先知,原來係唔落糖之餘仲要增加鹽嘅份量,藉此抑制酵母嘅活躍度,減低麵糰發酵程度,從而令麵糰變得較薄。




麵糰材料:
高筋麵粉                195
                           約 100 毫升
即用酵母
                1.5
                            3
橄欖油
                    10
粟米粉                     適量
 
餡料:
千島醬                     適量
Mozzerella
芝士      適量
罐頭吞拿魚             半罐
罐頭菠蘿                 適量
油浸番茄乾             3
金不換                     適量

- 將麵粉同酵母混合好,慢慢加水拌勻,再將鹽加入,攪拌均勻。

- 一邊倒入橄欖油,一邊慢慢搓成糰。

- 枱面灑上乾粉,將麵糰放上,繼續搓揉及摔打成光滑麵糰。

- 將麵糰滾圓,放入已灑粉嘅兜內,冚好保鮮紙,發酵 40 分鐘。

- 將麵糰排氣,之後再次滾圓,同樣放入兜內並冚好保鮮紙,鬆弛 25 分鐘。

- 與此同時,將吞拿魚同菠蘿瀝乾水份;番茄乾瀝乾油份後切細,備用。

- 再次排氣,並用擀麵棍擀薄成圓形麵皮。

- 雙手拎起麵皮,一邊轉動、一邊將麵皮拉闊、擴大。

- 將麵皮放上已掃油並灑上粟米粉嘅烤盤上,然後用手將麵皮向烤盤四周推開。

- 將千島醬倒入麵皮中間,然後用匙羹以劃圓圈方式將醬汁搽勻。

- 放上部份芝士後就放上其餘餡料,之後再次放上芝士。

- 將烤盤放入已預熱至 200 °C 嘅焗爐內焗 12 - 15 分鐘即成。
 
以上材料份量可做直徑 10 吋薄餅一個。



賣相夠吸引嗎?






餡料非常好味,加埋我至愛嘅千島醬,簡直係食到
唔停得口呀!不過個批底就做得唔夠薄,
又唔夠脆,要再鑽研一下至得!






除咗 pizza,我仲用薯仔、蘋果同青瓜
整咗個簡簡單單嘅通粉沙律。
 
 
 
 
 
 

Notes
- 若想自製油浸番茄乾的話,可參閱《油浸番茄乾》。

- 於烤盤上灑上粟米粉,除可做到防黏之外,亦可令到批底更加香脆。
 
- 所有濕材料必須徹底瀝乾水份或油份,避免麵糰過濕,影響口感。





5 則留言:

  1. 我鐘意薄底..唔使食咁多麵團囉
    [版主回覆06/30/2011 01:47:00]        但係厚批鬆軟 啲 ,好食 啲喎!

    回覆刪除
  2. 薄底我先 like......
    [版主回覆07/02/2011 00:32:00]        我反而鍾意原批底多 啲!        

    回覆刪除
  3. 個螺絲好以好好味呀!
    [版主回覆07/02/2011 00:33:00]        乜妳咁 o架,唔留意個主角,走去捧個配角都有 嘅!!

    回覆刪除
  4. 這批皮好好味,我昨日都整左底薄餅做晚餐。謝謝分享食譜!: ) http://poplarswindy.pixnet.net/blog

    回覆刪除
  5. 這批皮好好味,我昨日都整左底薄餅做晚餐。謝謝分享食譜!: ) http://poplarswindy.pixnet.net/blog
    [版主回覆07/02/2011 00:42:00]        唔駛咁客氣,大家互相分享交流嘛!         係呀,我之前整厚批底都係跟同一本食譜整,效果一樣好好,外皮夠煙韌,內裡夠鬆軟,我個 friend 整過都話好食呀,有興趣妳都可以 喺 我個 blog 度 search 嚟睇睇。         妳整 嗰個 pizza 賣相仲靚過我呢個喎,仲加埋橄欖,超正呀!

    回覆刪除