2011年8月14日星期日

HP Deskjet 1050

        舊拍擋一句說話都無講,就咁就走,明明之前你都仲好哋,安然無恙,點知想再搵你幫手時,你已經毫無氣色。立即幫你搵醫生 check check,點知淨係見醫生都要收 $400,醫務所個 reception 仲話你年事已高,根本無藥可救,check 完都係得個桔,香港根本再無藥幫到你!咁我就唯有物色新戰友。


        適逢一年一度嘅嘉年華,睇新戰友編號 1050 只需俾 $249 中介費用,就可以即刻上工,真係抵到爛,無他,皆因都係內地工人!



新戰友套軍裝特別型仔,又醒目,不過可惜效率始終唔及舊拍檔,
如果要搵番同舊拍檔一模一樣嘅效率,
中介費用要高出一陪!


 



舊拍檔,你唔好怪我唔再要你呀,因為我都想再同你並肩作戰,但可惜根本無藥
可醫治你,而且新戰友又實在抵用,迫於無耐之下,我先至唯有咁做!
不過,你捐贈出嘅器官可以移植到 Winnie 親戚家中嘅工人身上,
算係可以幫到你延續你嘅使命吧!



        舊拍檔 F380,再見吧!


4 則留言:

  1. 嘩....四舊水咁就冇咗喇?
    [版主回覆08/14/2011 16:55:00]        咪係,真係超離譜!         好彩 Customer Service 個哥哥好人,話俾我聽淨 check 機已經要收 $400,仲話埋俾我聽我部舊機已經停產,check 完都唔會有零件換,叫我買過部新好過,所以我先避過一劫咋!

    回覆刪除
  2. 你都好丫,我買左千幾蚊墨,先知部機壞左,打電話問,佢都係話要 $400 check 機費,但係仲要另比 $310 人工/半小時,再另計零件
    [版主回覆08/15/2011 18:03:00]        買 咗千幾蚊墨!?  點解墨盒咁貴 o架!         查實我都係 啱 啱先換哂兩個新墨盒咋,好彩我個 friend 佢親戚都係用呢個型號,所以我就拆出 嚟 拎俾佢用囉!

    回覆刪除
  3. 嗚...嗚...嗚...因為我部係laser,所以D墨咪咁貴囉...又唔知佢係咪睇睇我部機係laser,所以check機費都咁貴....
    [版主回覆08/16/2011 00:45:00]         嘩,咁妳都幾有米喎!         我 諗 都應該係因為妳部係靚 嘢,所以整都貴過人!

    回覆刪除
  4. 基本上任何電器整仲貴過買部新既..第日有問題一於換好過啦...
    [版主回覆08/17/2011 00:03:00]        妳講得無錯,依家 啲師 傅都懶得 check、懶得整。

    回覆刪除